مەديتسينا • 14 ماۋسىم، 2021

500-گە جۋىق اعزا الماستىرۋ وتاسىنا قاتىسقان مامان

28 رەت كورسەتىلدى

شىمكەنت قالاسىندا ترانسپلانتولوگيا وتاسى قارقىندى دامىپ كەلەدى. اعزا الماستىرۋ وتاسىن جاسايتىن بىلىكتى مەديتسينا ماماندارىنىڭ ءبىرى – راقىمجان ۇمبەتجانوۆ. بىلىكتى مامان بۇگىنگە دەيىن 500-گە جۋىق وپەراتسياعا اسسيستەنت بولىپ قاتىسقان. بۇگىندە شىمكەنت قالالىق №1 كلينيكالىق ەمحانانىڭ گيپاتوبيليارلى حيرۋرگيا جانە ترانسپلانتولوگيا بولىمىندە ەڭبەك ەتىپ ءجۇر، دەپ حابارلايدى Egemen.kz.

بەلارۋسسيادا جاساعان ترانسپلانتاتسياسى ر.ۇمبەتجانوۆتىڭ ءاپ-ساتتە ابىرويىن ارتتىردى. ونىڭ بەس ايلىق ءسابيدىڭ باۋىرىن اۋىستىرىپ، وعان ءومىر سىيلاعانى تۋرالى شەتەلدىك اقپارات قۇرالدارى جارىسا جازدى.

كۇردەلى وتا ءبىرىنشى ساناتتى حيرۋرگ-دارىگەردىڭ كاسىبيلىگىنىڭ ارقاسىندا ءساتتى ءوتتى. سارعايىپ تۋىلعان، سالماعى 7،5 كەلى تارتاتىن سابيگە اناسى باۋىرىنىڭ ءبىر بولشەگىن بەردى. «ساباقتى ينە ساتىمەن» دەگەن، ىشكى اعزاسى اۋىستىرىلماعاندا بالاقايدىڭ ءومىر ءسۇرۋى ەكىتالاي ەدى. نە كەرەك، وتادان كەيىن ارادا 16 كۇن وتكەندە ناۋقاستىڭ بەتى بەرى قارادى. اناسىنىڭ دا جاعدايى قالىپقا كەلدى.

ء«ومىر مەن ءولىم ارپالىسقان ساتتە جاۋاپكەرشىلىك جوعارى بولۋى كەرەك. ءبىزدىڭ جۇمىس قاتەلىكتى كەشىرمەيدى. ال ترانسپلانتاتسيا – كوماندالىق ەڭبەكتىڭ جەمىسى»،  دەيدى اق حالاتتى ابزال جان.

ايتا كەتۋ كەرەك، ر.ۇمبەتجانوۆتىڭ جەتەكشىلىگىمەن بەلارۋسسيادا جاسالعان وتا –  العاشقى اعزا اۋىستىرۋ وتاسى بولدى. وسى ەلدە گەپاتيتپەن اۋىرعان ەر كىسىگە جاساعان وتاسى دا مامانداردىڭ ەسىندە  قالدى. تسيرروز سالدارىنان جاعدايى مۇشكىل ناۋقاس قيىن جاعدايدا اۋرۋحاناعا تۇسكەن. جاس مامان ونىڭ قان قۇسۋىن توقتاتىپ، ناۋقاستى دونورلىق توپقا قويىپ، وتا جاسادى. ول ءساتتى شىعىپ، دەرتى مەڭدەگەن كىسى ساۋىعىپ، ءالى ءومىر ءسۇرىپ كەلەدى. مۇنان بولەك، ەلىمىزدەگى 1987 جىلعى بويجەتكەنگە جاسالعان ترانسپلانتاتسيا دا وڭ ناتيجەسىن كورسەتتى. تۋىسى وعان باۋىرىنىڭ جارتىسىن بەرگەن ەدى. 6 جىلدان استام ۋاقىتتان سوڭ ناۋقاس بالا ءسۇيدى. قازىر ونىڭ  ەكىنشى ءسابيى بار.

جاس مامان بۇعان دەيىن 500-گە جۋىق ترانسپلانتاتسياعا قاتىسقان. ونىڭ ىشىندە شىمكەنتتە 23 باۋىر، 160 بۇيرەك اۋىستىرعان. وكىنىشكە قاراي، قالادا 600-گە جۋىق باۋىر، 800-گە جۋىق ادام بۇيرەك اۋىستىرۋدى قاجەت ەتەدى. بىراق ولاردىڭ بارىنە بىردەي دونور جوق.

بىلىكتى ماماننىڭ ايتۋىنشا، اعزا الماستىرۋ وتاسى دونور تابىلعاندارعا عانا جاسالىپ جاتىر.

سوڭعى جاڭالىقتار

كوزى ءتىرى كلاسسيككە قۇرمەت

ادەبيەت • بۇگىن، 08:30

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار