سپورت • 13 ماۋسىم، 2021

فۋتبولدان ەل چەمپيوناتىنداعى ءتورت ويىندا دا ءبىر-ءبىر گولدان سوعىلدى

57 رەت كورسەتىلدى

بۇل كۇندەرى فۋتبولدان قازاقستان چەمپيوناتىنىڭ 15 تۋر ويىندارى وتۋدە. وسى كەزەڭدەگى العاشقى ءتورت باسەكەنىڭ بارلىعىندا بىردەي ەسەپ تىركەلدى، دەپ حابارلايدى Egemen.kz.

تالدىقورعاندا «جەتىسۋ» اقتاۋدىڭ «كاسپي» كلۋبىن قابىلدادى. باسەكە تاعدىرىن 18-مينۋتتا شافيك تيگرۋدجا سالعان جالعىز گول شەشتى.  ونىڭ الىستان باعىتتاعان دوبى تۋرا «توعىزدىقتان» تابىلدى.  ەسەپ – 0:1. سوڭعى كەزدەرى جەڭىلىستەن باس كوتەرمەي جۇرگەن «اقتوبە» ءوز الاڭىندا اۋپىرىمدەپ ءجۇرىپ، «اتىراۋدى» ۇتتى – 1:0. جەڭىس گولىن 30-مينۋتتا بويان بۋبايچ سوقتى. ورالدا جەرگىلىكتى «اقجايىق» پەن شىمكەنتتتىڭ «ورداباسى» ابدەن تىرەستى. قوس كوماندانىڭ ويىنشىلارى قانشا جانتالاسقانىمەن، ۇزاق ۋاقىت بويى ءبىر-ءبىرىنىڭ قاقپا كىلتىن تابا المادى. تەك 92-مينۋتتا قوناقتاردىڭ باعى جاندى – 0:1. بۇل گولدىڭ اۆتورى – جوان پاۋلو. ءدال سونداي جاعداي «شاحتەر» مەن «قىزىلجار» اراسىنداعى ويىندا دا ورىن الدى. 90-مينۋتتا رۋسلان ەسىموۆ نىسانانى ءدال كوزدەپ، پەتروپاۆلدان كەلگەن كومانداعا جەڭىس سىيلادى – 0:1.  

بۇگىن «استانا» (نۇر-سۇلتان) مەن «توبىل» (قوستاناي)، «تاراز» (تاراز) بەن «قايرات» (الماتى) جانە «قايسار» (قىزىلوردا) مەن «تۇران» (تۇركىستان) شەبەرلىك بايقاستى. بۇل كەزدەسۋلەردىڭ قالاي وربىگەن جايىندا گازەتىمىزدىڭ كەلەسى سانىندا باياندايتىن بولامىز. 

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار