«Teṅ qoḡam» الەۋمەتتىك قولداۋ ورتالىعى ورال قالالىق جۇمىسپەن قامتۋ جانە الەۋمەتتىك باعدارلامالار بولىمىنە قارايدى. ء«بىر تەرەزە» قاعيداسى بويىنشا قىزمەت كورسەتەتىن بۇل ورتالىق مۇگەدەكتەرگە قولايلى ورتا قالىپتاستىرۋ ماقساتىندا قۇرىلعان. مۇندا مۇمكىندىگى شەكتەۋلى ازاماتتارعا الەۋمەتتىك, قۇقىقتىق, جۇمىسقا ورنالاسۋ, ءوز ءىسىن باستاۋدا كاسىپكەرلىككە باۋلۋ, تۇرمىستىق جانە الەۋمەتتىك داعدىلاردى ۇيرەتۋ بويىنشا ماماندار كەڭەس بەرەدى.
«Teṅ qoḡam» – ەلىمىز بويىنشا مۇمكىندىگى شەكتەۋلى جاندارعا ارنالعان ءۇشىنشى قولداۋ ورتالىعى. ونىڭ اشىلۋ سالتاناتىنا ورال قالاسىنىڭ اكىمى ابات شىنىبەكوۆ, قالا اكىمىنىڭ ورىنباسارى ەرلان عاليەۆ, «باتىس قازاقستان وبلىسى مۇگەدەكتەرىنىڭ ەرىكتى قوعامى» توراعاسى جۇماجان قوججانوۆ قاتىستى. مەيماندار ورتالىقتا مۇمكىندىگى شەكتەۋلى جاندارعا ۇسىنىلاتىن قىزمەت بارىسىمەن تانىستى.
⁃ مەملەكەت باسشىسى قوعامدا بارلىق ازاماتقا قولايلى جاعداي, جايلى ينفراقۇرىلىم جاساقتاۋدى تاپسىردى. ءار ادامنىڭ ءوز مۇمكىندىگىن جۇزەگە اسىرۋعا مەملەكەت قولداۋ كورسەتەدى. بۇگىن اشىلىپ وتىرعان «تەڭ قوعام» ورتالىعى ورال قالاسىندا مۇمكىندىگى شەكتەۋلى جانداردىڭ سۇرانىسىن قاناعاتتاندىراتىنىنا سەنەمىز,- دەيدى ابات شىنىبەكوۆ.
باتىس قازاقستان
