شتات گۋبەرناتورى ايماقتا توتەنشە جاعداي رەجيمىن جاريالادى. ءتىلسىز جاۋدى اۋىزدىقتاۋ ءۇشىن 1600 مامان جۇمىلدىرىلدى. گيلا مەن پينال وكرۋگىندە 3 مىڭ وتباسى قاۋىپسىز جەرگە كوشىرىلدى.
«بۇنداي اۋقىمدى ەۆاكۋاتسيالاۋ شاراسى بۇرىن-سوڭدى بولماعان», - دەيدى ماماندار. قىزىل جالىن 6 مىڭعا جۋىق گەكتار جەردى تىپ-تيپىل ەتكەن. ءورتتى اۋىزدىقتاۋعا اۋا رايىنىڭ قولايسىزدىعى كەدەرگى كەلتىرۋدە. قازىر ايماقتا قاتتى جەل. جەرگىلىكتى بيلىك «اپاتپەن كۇرەس جۇمىستارىنا ارنالعان قارجىنى ارتتىرۋ كەرەك», دەيدى.
- الاپات ورمان ءورتى قاۋلاپ بارادى. ءتىلسىز جاۋ 6 مىڭعا جۋىق گەكتار جەردى كۇلگە اينالدىردى. بۇل چيكاگو اۋماعىنداي جەر. مىڭداعان ادام باسپاناسىن تاستاپ كەتۋگە ءماجبۇر بولدى. قۇتقارۋشىلاردىڭ جۇمىسى قاۋىرت. ءورت وشسە دە, جاۋىن-شاشىن ماۋسىمى كەزىندە بۇل جەردە سەل باستالۋ قاۋپى بار. سوندىقتان تاسقىننىڭ الدىن الۋ ءۇشىن ءورتتى تەز ارادا اۋىزدىقتاۋ كەرەك. ول ءۇشىن قوسىمشا قاراجات قاجەت, - دەيدى گۋبەرناتور داگ ديۋسي.
ەستەرىڭىزدە بولسا, اريزونا شتاتىندا ورمان ورتىنەن مىڭداعان ادام ەۆاكۋاتسيالانۋى مۇمكىن ەكەندىگى جايىندا بۇرىن حابارلاعان ەدىك.
