قوعام • 11 ماۋسىم، 2021

پاۆلوداردا اليمەنت تولەمەگەن انا تۇرمەگە جابىلدى

34 رەت كورسەتىلدى

2021 جىلى اليمەنت تولەۋ بويىنشا سوت ۇكىمىن نەمەسە شەشىمىن ورىنداماعانى ءۇشىن ءوڭىردىڭ 67 تۇرعىنى قازاقستان رەسپۋبليكاسى اقبتك 669-بابى بويىنشا اكىمشىلىك جاۋاپكەرشىلىككە تارتىلدى، دەپ حابارلايدى Egemen.kz پاۆلودار وبلىستىق ءباسپاسوز قىزمەتىنە سىلتەمە جاساپ.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، اليمەنتتەردى قاساقانا تولەمەگەن 4 ادام قىلمىستىق جاۋاپكەرشىلىككە تارتىلعان.

«2018 جىلى سوت پاۆلودار قالاسىنىڭ 37 جاستاعى تۇرعىنىنان بالالار ۇيىندە تۇراتىن كىشكەنتاي ۇلىن اسىراۋعا اليمەنت ءوندىرىپ الۋ تۋرالى شەشىم قابىلدادى. سوت شەشىمى بويىنشا ايەل اي سايىن ۇلىنا جالاقىسىنىڭ 1/4 بولىگىن كامەلەتكە تولعانعا دەيىن تولەۋى كەرەك ەدى. الايدا، اتا-انا بارلىق تالاپتاردى ەلەمەي، بالاسىنا ەشقاشان اقشا تولەمەگەن. سوت اكتىلەرىن ورىنداۋ مىندەتتىلىگى تۋرالى سوت ورىنداۋشىلارىنىڭ جازباشا حابارلامالارى مەن ەسكەرتۋلەرىنە ەشقانداي ارەكەت جاساماعان جانە پايدا بولعان بەرەشەكتى وتەۋ بويىنشا شارالار قابىلداماعان»، دەدى پوليتسيا دەپارتامەنتى انىقتاۋ باسقارماسىنىڭ باسشىسى قابدۋلماناپ اكەباەۆ.

وسىعان بايلانىستى سوت ايەلدى قازاقستان رەسپۋبليكاسى اقبتك-ءنىڭ 669-بابىندا كوزدەلگەن «سوت ۇكىمىن، سوت شەشىمىن نەمەسە وزگە دە سوت اكتىسى مەن اتقارۋ قۇجاتىن ورىنداماۋ» بويىنشا قۇقىق بۇزۋشىلىق جاساعانى ءۇشىن كىنالى دەپ تانىعان جانە ءبىر تاۋلىك مەرزىمگە اكىمشىلىك قاماۋعا الۋ تۇرىندە اكىمشىلىك جازاعا تارتىلعان. الايدا وسىدان كەيىن دە ايەل ءوزى ءۇشىن ءتيىستى قورىتىندى شىعارماعان.

وسى ۋاقىت ىشىندە ايەل جۇمىس ىستەپ، جالاقى العان، بىراق ونى سوت ورىنداۋشىسىنان جاسىرعان. قارىزدى وتەۋ جانە اي سايىن اليمەنت تولەۋ مۇمكىندىگىنە يە بولا وتىرىپ، اليمەنت تولەمەگەن.

«بۇگىنگى تاڭدا ايەل ءوزىنىڭ 5 جاسار ۇلىنا 1،5 ملن تەڭگەدەن استام قارىز. سونىڭ سالدارىنان 2021 جىلعى 9 ماۋسىمدا پاۆلودار وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى بالانى كۇتىپ-باعۋعا قاراجات تولەۋ جونىندەگى مىندەتتەردى ورىنداماعانى ءۇشىن وعان پروباتسيالىق باقىلاۋ بەلگىلەي وتىرىپ، قازاقستان رەسپۋبليكاسى قىلمىستىق كودەكسىنىڭ 139-بابى بويىنشا 1 جىلعا باس بوستاندىعىن شەكتەۋ بويىنشا قىلمىستىق جاۋاپكەرشىلىككە تارتىلدى»، دەدى قابدۋلماناپ اكەباەۆ.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار