الەم • 10 ماۋسىم، 2021

دۋشانبە وزبەكستان پرەزيدەنتىن رەسمي تۇردە قارسى الدى

22 رەت كورسەتىلدى

دۋشانبەدەگى «كاسري ميللات» رەزيدەنتسياسىندا وزبەكستان پرەزيدەنتى شاۆكات ميرزيوەۆتى رەسمي تۇردە قارسى الۋ ءراسىمى ءوتتى، دەپ حابارلايدى Egemen.kz وزبەكستان پرەزيدەنتىنىڭ ءباسپاسوز قىزمەتىنە سىلتەمە جاساپ.

مارتەبەلى مەيماننىڭ قۇرمەتىنە قۇرمەتتى قاراۋىل ساپ تۇزەپ، ەكى ەلدىڭ مەملەكەتتىك ءانۇرانى شىرقالدى.

سودان كەيىن پرەزيدەنتتەر رەسمي دەلەگاتسيالاردىڭ مۇشەلەرىن ءبىر-بىرىمەن تانىستىردى. قۇرمەتتى قاراۋىل ەكى مەملەكەت باسشىلارىنىڭ الدىندا ءجۇرىپ ءوتتى.

سالتاناتتى ءراسىمنىڭ سوڭىندا شاۆكات ميرزيوەۆ پەن ەمومالي راحموننىڭ جەكە كەزدەسۋى باستالدى، ونىڭ بارىسىندا كوشباسشىلار وزبەك-تاجىك ستراتەگيالىق سەرىكتەستىگى مەن سان قىرلى ءوزارا ءىس-قيمىلدىڭ بارلىق سپەكترىن ەگجەي-تەگجەيلى قاراستىرىپ، سىندارلى ساياسي بايلانىستى ودان ءارى تەرەڭدەتۋگە ەرەكشە نازار اۋداردى. اڭگىمە كەزىندە ساۋدا-ەكونوميكالىق جانە ينۆەستيتسيالىق ىنتىماقتاستىقتى نىعايتۋ، مادەني-گۋمانيتارلىق الماسۋدى كەڭەيتۋ تاقىرىپتارى ءسوز بولدى.

ورتالىق ازياداعى قاۋىپسىزدىكتى، تۇراقتىلىقتى جانە تۇراقتى دامۋدى قامتاماسىز ەتۋ، سونداي-اق حالىقارالىق جانە ايماقتىق قۇرىلىمدار شەڭبەرىندەگى ءوزارا ءىس-قيمىل ماسەلەلەرى بويىنشا پىكىر الماسۋ ءوتتى.

شاۆكات ميرزيوەۆ شاقىرعانىنا جانە جىلى شىرايدا قارسى العانى ءۇشىن ارىپتەسىنە ريزاشىلىعىن ءبىلدىرىپ، بۇگىندە وزبەك-تاجىك قاتىناستارى بۇرىن-سوڭدى بولماعان جوعارى دەڭگەيگە كوتەرىلگەنىن اتاپ ءوتتى.

تاجىكستان پرەزيدەنتى ەمومالي راحمون دا بۇل ساپاردىڭ ماڭىزى زور ەكەنىن تىلگە تيەك ەتتى.

ايتا كەتەيىك، ميرزيوەۆ ەمومالي راحموندى وزبەكستانعا شاقىردى.

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار