«بيىلعى جىل باسىنداعى ازداعان تۇراقتانۋدان كەيىن مامىردا ينفلياتسيالىق پروتسەستەردىڭ جىلدىق كورسەتىلىم بويىنشا 7,2%-عا دەيىن جەدەلدەۋى بايقالادى. ازىق-ت ۇلىككە جاتپايتىن تاۋارلار مەن اقىلى قىزمەتتەر باعاسىنىڭ ايتارلىقتاي ءوسۋى ازىق-ت ۇلىكتىڭ قۇرامداس بولىكتەرىنىڭ دەزينفلياتسياسىمەن تەڭەستىرىلدى. ازىق-ت ۇلىك ينفلياتسياسى نان-توقاش ونىمدەرىنىڭ, ەتتىڭ, جەمىس-كوكونىس ونىمدەرىنىڭ باعاسى ءوسۋىنىڭ باياۋلاۋى اياسىندا 9,8%-دان 9,3%-عا دەيىن باسەڭدەدى», دەدى ەربولات دوساەۆ ۇكىمەت وتىرىسىندا.
ۇلتتىق بانك توراعاسى دەزينفلياتسيالىق پروتسەستەرگە قاراماستان, جەكەلەگەن تاۋار نارىقتارىندا قىمباتتاۋ جالعاسىپ جاتقانىن اتاپ ءوتتى.
«كيىم-كەشەك پەن اياق قيىم باعاسىنىڭ 5,9%-عا دەيىن, بەنزين باعاسىنىڭ 12,7%-عا دەيىن ءوسۋ قارقىنىنا بايلانىستى ازىق-ت ۇلىككە جاتپايتىن ينفلياتسيا 6,4%-دان 6,7%-عا دەيىن جەدەلدەدى. كارانتيندىك شەكتەۋلەردى جەڭىلدەتۋ جاعدايىندا جوعارىلاعان سۇرانىس اياسىندا, ەلەكتر ەنەرگياسى تاريفتەرىنىڭ ارتۋى مەن جەكەلەگەن قىزمەتتەر باعاسىنىڭ ءوسۋى اياسىندا اقىلى قىزمەتتەر ينفلياتسياسى 4,1%-دان 5,1%-عا دەيىن جەدەلدەدى. بەنزين باعاسىنىڭ ەداۋىر كۇرت ءوسۋىن, ەلەكتر ەنەرگياسى باعاسىنىڭ ءوسۋىن, بارىنشا كۇشتى فيسكالدىق ىنتالاندىرۋدى جانە جوعارى ينفلياتسيالىق كۇتۋلەردى ەسكەرسەك, 2021 جىلدىڭ سوڭىنا قاراي, ءبىزدىڭ سوڭعى بولجامدارعا سايكەس, ينفلياتسيا نىسانالى دياپازوننان 0,4-0,5 پايىزدىق تارماققا جوعارى قالىپتاسۋى مۇمكىن. سونىمەن بىرگە, 2022 جىلى ءبىز ىشكى پروينفلياتسيالىق فاكتورلار اسەرىنىڭ تاۋسىلۋىن جانە سىرتقى ينفلياتسيالىق قىسىمنىڭ السىرەۋىن كۇتەمىز. ناتيجەسىندە ينفلياتسيا بەكىتىلگەن ءدالىز 4-6%-عا كىرەدى», دەيدى ە. دوساەۆ.
اتالعاندى ەسكەرىپ, بيىلعى 7 ماۋسىمدا ۇلتتىق بانك بازالىق ستاۆكانى 9% دەڭگەيىندە ساقتاۋعا شەشىم قابىلداعان. «پروينفلياتسيالىق فاكتورلار تاراپىنان تاۋەكەلدەر ىسكە اسقان جاعدايدا جانە بولجامدى باعالاۋلارمەن سالىستىرعاندا بارىنشا باياۋ دەزينفلياتسيا جاعدايىندا ۇلتتىق بانك اقشا-كرەديت شارتتارىن قاتاڭداتۋ بويىنشا شەشىم قابىلدايدى», دەيدى ەربولات دوساەۆ.
