ەل تاۋەلسىزدىگىنىڭ 30 جىلدىعىنا ارنالعان مارافوندى «دوس» تاۋەلسىز ءومىر ورتالىعى» مۇگەدەكتەر قوعامدىق بىرلەستىگى ۇيىمداستىردى. مارافوننىڭ نەگىزگى يدەياسى – مۇمكىندىگى شەكتەۋلى جانداردىڭ قالادا مۇگەدەكتەر ارباسىندا, ەلەكتر موتو-پريستاۆكالاردا ەش قيىندىقسىز قوزعالۋى.
ء«بىزدىڭ مارافون قازاقستان تاۋەلسىزدىگىنىڭ 30 جىلدىعىنا ورايلاستىرىلعان. مۇگەدەكتەر ارباسىندا وتىرعانمەن ۇيدە وتىرمايتىن جاندار بار ەكەنىن جۇرتشىلىققا كورسەتكىمىز كەلەدى.
قازىر بىزدە ەلەكتر موتو-پريستاۆكالار تۇرىندەگى قۇرىلعىلار بار. بۇل موتو-پريستاۆكالاردى بىزدەن جالعا الىپ, ەلوردامىزدىڭ ادەمى جەرلەرىن ارالاي الادى. بۇل ءبىر ادامنىڭ تاۋەلسىزدىگى, ياعني باسقالاردان كومەك سۇراماي-اق ەمىن-ەركىن قوزعالا الادى», دەدى «دوس» تاۋەلسىز ءومىر» ورتالىعى قوعامدىق بىرلەستىگىنىڭ اتقارۋشى ديرەكتورى ارداق وتارباەۆ.
مارافونعا مۇگەدەكتەر ارباسىندا 16 ادام قاتىستى. موتوجارىس قوزعالىسى قابانباي باتىر داڭعىلى — قورعالجىن تاس جولى — تۇران داڭعىلى — ورتالىق ساياباق باعىتى بويىنشا ءوتتى.
«ەلىمىزدە موتو-پريستاۆكالار شەرۋىن العاش بولىپ ءبىز وتكىزگەن شىعارمىز. ەلوردامىز وسىنداي مارافوندارعا جانە مۇگەدەكتەر ارباسىندا ەركىن ءجۇرىپ-تۇرۋىنا العاش بولىپ مۇمكىندىك جاسادى», دەپ اتاپ ءوتتى ارداق وتارباەۆ.
ورتالىقتا اتاپ وتكەندەي, ءبىر ەلەكتر موتو-پريستاۆكانىڭ قۇنى شامامەن 300 مىڭ تەڭگەنى قۇرايدى. قوعامدىق بىرلەستىك ازىرگە قىتايدان 10 داناسىن ساتىپ الدى, بىراق بولاشاقتا قارجىلاندىرۋ نەگىزىندە قوسىمشا ساتىپ الۋ جوسپارلانۋدا.
ۇيىمداستىرۋشىلار بولاشاقتا اربامەن جۇرەتىن ادامداردىڭ موتوجارىستارى جىل سايىن وتكىزىلەتىنىن ايتتى.
ايتا كەتۋ كەرەك, مارافون سانيتارلىق نورمالاردى ساقتاي وتىرىپ جانە نۇر-سۇلتان قالاسىنىڭ پاترۋلدىك پوليتسياسىنىڭ سۇيەمەلدەۋىمەن ءوتتى.
