جالپى وبلىستا وسى كۇنگە دەيىن ىندەت جۇقتىرعان 14 918 ادام تىركەلگەن. سونىڭ ىشىندە 443 سىرتتان كەلگەن ادامدار اراسىنان شىققان. بارلىق سىرقاتتىڭ 9 463-ىندە اۋرۋ بەلگىلەرى بولعان, ال 5 455-ىندە بەلگى بولماعان. بويىنان ىندەت تابىلعان ادامداردىڭ 60 پايىزى مەديتسينالىق كومەككە وزدەرى جۇگىنگەن ادامدار. قالعاندارى سىرقاتتارمەن بايلانىستا بولعاندار اراسىنان جانە پروفيلاكتيكالىق تەكسەرۋلەر كەزىندە انىقتالعان.
سوڭعى كەزدەردەگى ءبىرشاما كوپ تىركەلۋ جاعدايى 6 ماۋسىمدا بولدى. بۇل كۇنى 13 ادامنىڭ بويىندا ىندەت بارى انىقتالدى. سونىڭ 10-ى پەتروپاۆل قالاسىنىڭ تۇرعىندارى. ال ايىرتاۋ, ع.مۇسىرەپوۆ جانە م.جۇماباەۆ اۋداندارىنان ءبىر جاعدايدان تىركەلدى.
ىندەتكە قارسى ۆاكتسينا ەكتىرگەن ادامدار سانى دا ارتىپ كەلەدى. 7 ماۋسىمداعى مالىمەت بويىنشا 77 مىڭنان ارتىق ادام ۆاكتسينانىڭ ءبىرىنشى, 42 638 ادام ەكىنشى كومپونەنتتەرىن ەكتىردى. قازىر وبلىستا ۆاكتسينا جەتكىلىكتى دارەجەدە جانە 3 ءتۇرى بار. ونىڭ ىشىندە وتاندىق ۆاكتسينا دا جەتكىلىكتى كولەمدە جەتكىزىلگەن.
جاعدايدىڭ تۇراقتالۋىنا بايلانىستى بىرقاتار شەكتەۋ شارالارى دا الىنىپ تاستالدى. ماسەلەن, كونتسەرت زالدارىندا 30 پايىزدىق تولىقتىرۋلارمەن مەرەكەلىك شارالار وتكىزۋگە رۇقسات ەتىلدى. قوعامدىق مونشالار مەن ساۋنالاردىڭ جۇمىسىنا شەكتەۋ قويىلمايتىن بولدى. اكۆاپاركتەر مەن كومپيۋتەر زالدارىنىڭ, ساۋىقتىرۋ لاگەرلەرىنىڭ جۇمىسىنا رۇقسات بەرىلدى. دەگەنمەن بەتپەردەلىك رەجىمنەن قۇتىلۋعا ءالى ەرتە. بارلىق قوعامدىق ۇيىمدار مەن دۇكەندەرگە بەتپەردەسىز كىرۋگە بولمايدى. مەملەكەتتىك كاسىپورىنداردا ۆاكتسينا ەكتىرۋ اشىق تالاپ ەتىلە باستادى. حالىق بۇعان تۇسىنىستىكپەن قاراۋدا.
سولتۇستىك قازاقستان وبلىسى
