قازاقستان • 09 ماۋسىم، 2021

تمد ەلدەرى قارۋلى كۇشتەرى شتابتارىنىڭ باستىقتارى باس قوستى

68 رەت كورسەتىلدى

قورعانىس ءمينيسترىنىڭ ءبىرىنشى ورىنداسارى – قازاقستان قارۋلى كۇشتەرى باس شتابىنىڭ باستىعى گەنەرال-لەيتەنانت مۇرات بەكتانوۆ سانكت-پەتەربۋرگ قالاسىندا وتكەن تاۋەلسىز مەملەكەتتەر دوستاستىعىنا مۇشە ەلدەردىڭ قارۋلى كۇشتەرى شتاب باستىقتارى كوميتەتىنىڭ وتىرىسىنا قاتىستى، دەپ حابارلايدى Egemen.kz.

وتىرىستىڭ كۇن تارتىبىنە سايكەس كوپجاقتى اسكەري ىنتىماقتاستىق ماسەلەلەرى قارالدى. قاتىسۋشىلار الەمدەگى اسكەري-ساياسي احۋال مەن ونىڭ دوستاستىق ەلدەرىنە اسەرىن تالداپ، 2025 جىلعا دەيىنگى ءاسكەري ىنتىماقتاستىق تۇجىرىمداماسىن جۇزەگە اسىرۋ بويىنشا شارالار لەگى تالقىلاندى. بۇل ەلدەردىڭ كەلەشەكتەگى ءوزارا ءىس-قيمىلىن باعدارلاۋدى ايقىندايدى.

گەنەرال-لەيتەنانت مۇرات بەكتانوۆ پراكتيكالىق تاجىريبە الماسۋدىڭ، ىنتىماقتاستىق نەگىزىندە اسكەري سالاداعى ءوزارا ءىس-قيمىلدىڭ بىرلەسكەن جۇيەلەرءدى دامىتۋدىڭ ماڭىزىن اتاپ ءوتتى. بۇل اۋە شابۋىلىنا قارسى قورعانىستىڭ بىرىككەن جۇيەسى، مەملەكەتتىك راديولوكاتسيالىق تانۋدىڭ بىرىڭعاي جۇيەسى، اسكەري اۆياتسيانىڭ ۇشۋ قاۋىپسىزدىگى ماسەلەلەرى بويىنشا اقپارات الماسۋ جۇيەسى، بىرلەسكەن (بىرىككەن) بايلانىس جۇيەسى، رحب جاعدايدى باقىلاۋ مەن باعالاۋدىڭ بىرلەسكەن جۇيەسى جانە ولشەم بىرلىك جۇيەسى. وقۋ-جاتتىعۋ اعىمداعى جىلدىڭ قىركۇيەك ايىندا قازاقستان مەن رەسەيدىڭ اسكەري پوليگوندارىندا وتەدى.

«جاۋىنگەرلىك باۋىرلاستىق 2021» بىرلەسكەن وقۋ-جاتتىعۋىن تالقىلاۋ بارىسىندا قازاقستاندىق تاراپ بۇگىنگى كۇنى تمد اۋە شابۋىلىنا قارسى قورعانىسىنىڭ بىرلەسكەن جۇيەسى ول اسكەري ىنتىماقتاستىق اياسىندا ينتەگراتسيالىق پروتسەستىڭ ەڭ ماڭىزدى جەتىستىكتەرىنىڭ ءبىرى ەكەنىن اتاپ ءوتتى.

تالقىلاۋعا ارقاۋ بولعان تاقىرىپتاردىڭ ءبىرى رادياتسيالىق، حيميالىق جانە بيولوگيالىق قورعاۋ اسكەرلەرىنىڭ COVID-19 تارالۋىنا قارسى كۇرەسكە قاتىسۋ تاجىريبەسى. قازاقستاندا بۇل بولىمشەلەر الەۋمەتتىك ماڭىزى بار جانە كارانتيندىك وبەكتىلەردى، ادامدار كوپ جينالاتىن ورىنداردى، بلوك بەكەتتەردى، قارۋلى كۇشتەر وبەكتىلەرىن، قالالاردىڭ جانە مەملەكەتتىك اكىمشىلىك وبەكتىلەردىڭ تىنىس-تىرشىلىگىن قامتاماسىز ەتۋدى، جاياۋ جۇرگىنشىلەر ايماقتارى مەن جول ۋچاسكەلەرىن وڭدەۋ ءۇشىن قولدانىلدى.

بۇل رەتتە وتىرىسقا قاتىسۋشىلار 2022 جىلعا جوسپارلانعان بىرلەسكەن ءىس-شارالاردى، اۋە-عارىشتىق قورعانىس جۇيەسىن قۇرۋ سالاسىنداعى زەرتتەۋلەردى جانە اۆياتسيانىڭ ۇشۋ قاۋىپسىزدىگىنىڭ جاي-كۇيىن تالقىلادى.

تمد نورماتيۆتىك قۇقىقتىق بازاسىن جەتىلدىرۋ ماڭىزدى ماسەلەنىڭ ءبىرى بولىپ قالا بەرەدى. قازاقستاندا تمد-عا قاتىسۋشى مەملەكەتتەر قارۋلى كۇشتەرىنىڭ بىرلەسكەن (بىرىككەن) بايلانىس جۇيەسى تۋرالى كەلىسىمدى راتيفيكاتسيالاۋ تۋرالى زاڭ جوباسى جاقىن ارادا قازاقستان پارلامەنتىنىڭ قاراۋىنا ەنگىزىلەتىن بولادى. اتالعان زاڭنىڭ كۇشىنە ەنۋى ولاردى جاڭعىرتۋ نەگىزىندە اسكەري بايلانىس جۇيەلەرىن، كەشەندەرى مەن قۇرالدارىن نەعۇرلىم ءتيىمدى دامىتۋعا، ۇيلەسىمدىلىگىن قامتاماسىز ەتۋگە مۇمكىندىك بەرەدى.

وتىرىس بارىسىندا قابىلدانعان شەشىمدەر تمد-عا قاتىسۋشى مەملەكەتتەردىڭ جالپى جانە ۇلتتىق مۇددەلەرىن ەسكەرە وتىرىپ، كوپجاقتى اسكەري ىنتىماقتاستىق جۇيەسىن دامىتۋعا باعىتتالعانىن اتاپ وتكەن ءجون.

سوڭعى جاڭالىقتار

ۇقساس جاڭالىقتار