الماتى قالاسى كاسىپكەرلىك جانە ينۆەستيتسيالار باسقارماسىنىڭ مالىمەتىنشە, قازىرگى ۋاقىتتا كارتوپتىڭ باعاسى شارىقتاۋ شەگىنە جەتتى, ول جاقىن ارادا تومەندەيدى.
«جىل سايىن, ماۋسىمارالىق كەزەڭدە بىلتىرعى كوكونىستىڭ كولەمى مەن ساپاسىنىڭ تومەندەۋىنە جانە بيىلعى ءونىمدى جەتكىزۋگە بايلانىستى كارتوپتىڭ قىسقا مەرزىمدى جەتىسپەۋشىلىگى بايقالادى. الداعى 2 اپتادا تۇركىستان وبلىسىنان كارتوپ جەتكىزىلەدى. بۇل باعانىڭ تومەندەۋىنە وڭ اسەر ەتەدى. ءبىر كەلى كارتوپ 150 تەڭگەگە دەيىن تومەندەيدى», دەپ ءتۇسىندىردى باسقارما وكىلى.
الماتى قالاسى جىلىنا شامامەن 200 مىڭ توننا كارتوپ تۇتىنادى. مەگاپوليسكە كارتوپ پاۆلودار, الماتى, قاراعاندى جانە باسقا وبلىستاردان جەتكىزىلەدى.
