«Ashyq» پلاتفورماسىنىڭ كومەگىمەن انىقتالعان ءوزىن-ءوزى وقشاۋلاۋ رەجيمىن بۇزۋشىلارعا اكىمشىلىك جازا قاراستىرىلعان. وسىلايشا بۇل جۇيەلەر «Ashyq» جوباسىنا قاتىساتىن قوعامدىق نىساندارعا بارعاندا «قىزىل» مارتەبەسى بار ادامداردىڭ تىركەلۋ فاكتىسىن راستايدى. ياعني كارانتيندەگى ناۋقاس ادامنىڭ سانيتارلىق-ەپيدەميولوگيالىق تالاپتاردى ساقتاماۋى قر اقبتك-ءنىڭ 802-بابىنا سايكەس اكىمشىلىك قۇقىقبۇزۋشىلىق تۋرالى ءىس قوزعاۋعا جانە وعان اكىمشىلىك جازا شارالارىن قولدانۋعا سەبەپ بولادى», دەدى س. بەيسەنوۆا ەلوردا اكىمدىگىندە وتكەن ءباسپاسوز ءماسليحاتىندا.
سپيكەردىڭ ايتۋىنشا, تۇرعىن ءوزىنىڭ جۇقتىرىلعان مارتەبەسى تۋرالى بىلە تۇرا, وقشاۋلاۋ رەجيمىن بۇزسا جانە اينالاسىنداعىلارعا قاساقانا جۇقتىرۋ قاۋپىن تۋدىرسا, قر اقبتك-ءنىڭ 425-بابى 1-بولىگىمەن وعان 30 اەك نەمەسە 87 510 تەڭگە مولشەرىندە اكىمشىلىك ايىپپۇل سالىنادى. بۇل قاعيدالار 2021 جىلعى 10 ماۋسىمدا كۇشىنە ەنەدى.
«قىزىل» نەمەسە «سارى» مارتەبەسى بار تۇرعىندار مەگاپوليستىڭ قوعامدىق ورىندارىندا جۇرسە, سOVID-19 تاسىمالداۋشىلارى بولىپ سانالادى, يممۋنيتەتى تومەندەرگە, قارتتار مەن بالالارعا جانە باسقالارىنا اۋرۋ جۇقتىرادى. وسىلايشا نۇر-سۇلتان قالاسىنىڭ «قىزىل» ايماقتا بولۋ كەزەڭىن ۇلعايتىپ, سىرقاتتانۋدىڭ كۇندەلىكتى وسۋىنە ۇلەس قوسادى», دەيدى سارحات بەيسەنوۆا.
