ايماقتار • 08 ماۋسىم، 2021

تەرەكتىڭ مامىعى ءتىلسىز جاۋدى ۇدەتۋدە

48 رەت كورسەتىلدى

وبلىستىق توتەنشە جاعدايلار دەپارتامەنتى مەملەكەتتىك ءورتتى باقىلاۋ باسقارماسىنىڭ باستىعى، ازاماتتىق قورعاۋ قىزمەتىنىڭ پولكوۆنيگى دميتري ءراستيحيننىڭ ايتۋىنا قاراعاندا بيىل جىل باسىنان بەرى وڭىرىمىزدە 327 ءورت بولىپ، سونىڭ سالدارىنان 31 ادام اجال قۇشىپ، 34 ادام ءتۇرلى دارەجەدەگى جاراقاتتار العان، دەپ حابارلايدى Egemen.kz

ء«ورتتىڭ نەگىزگى سەبەپتەرى – وتتىڭ قاۋىپسىزدىگىن ساقتاماۋدان تۋادى. ەلەكتر جابدىقتارىن پايدالانۋ ءتارتىبىن ورىنسىز بۇزۋ، پەشپەن جىلىتۋدان ساقتىق شارالارىن ساقتاماۋ دا ورتكە سوقتىرىپ جاتادى»، دەي كەلىپ د.راستيحين ءورت شىعۋدىڭ قازىرگى جازدىڭ ىستىق كۇندەرىندەگى ءبىر سەبەبى – تەرەكتىڭ مامىعى بولىپ وتىرعانىن جەتكىزدى.

تەك سوڭعى كۇندەرى عانا تەرەكتىڭ مامىعىن جاعۋدان 50-دەن ارتىق وت تۇتانعان. ونىڭ ىشىندە 2-ءۋى ۇلكەن ورتكە ۇلاسىپ، تۇرعىن ءۇي مەن شارۋاشىلىق قۇرىلىسىن شارپىعان. سونىڭ تىشىندە سوڭعىسى تۇگى قالماي جانىپ كەتكەن.

جينالىپ قالعان تەرەك مامىعىن جاعۋعا جاس بالالار قۇمار. ولار وزدەرىنىڭ قىلىعى ۇلكەن شىعىنعا، ءتىپتى ادام شىعىنىنا ۇشىراتاتىنىن ويلاماي، مامىقتىڭ جانعانىن قىزىقتايدى. ال كەنەتتەن تۋعان جەل وتتى تۇرعىن ۇيلەرگە جەتكىزەتىنىن ويلامايدى. «وسى كۇندەرى ءورت سوندىرۋگە شاقىرعان قالىپتاعى دابىلدار كۇنىنە بىرنەشە ەسە ارتىپ تۇر. ستاتيستيكا بويىنشا شىققان ورتتەردىڭ ۇلكەن بولىگى تەرەك مامىعىن جاققاننان تۇتانعاندار. مامىق بىرنەشە سەكۋندتا عانا ۇدەپ قۇرعاپ تۇرعان اعاش قۇرىلىستاردى شارپىپ، ۇلكەن ورتتەرگە سوقتىرادى. سوندىقتان اتا-انالار بالالارىنا وتپەن ويناۋعا بولمايتىنىن ۇنەمى ەسكەرتىپ وتىرۋلارى كەرەك»، دەدى د.راستيحان.  

اكىمشىلىك كودەكس 16-عا تولماعان بالالاردىڭ جاۋاپكەرشىلىگىن قاراستىرماعان. ولاردى تەك كامەلەتكە تولماعانداردىڭ ءىسى جونىندەگى ينسپەكتسيا ەسەپكە الادى. ال بار شىعىندى اتا-انالارى تولەيدى. ءاربىر اتا-انا وسىنى ەسكەرگەنى ءجون.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار