ايماقتار • 08 ماۋسىم، 2021

سقو-دا كارانتيندىك شەكتەۋلەر جەڭىلدەتىلدى

49 رەت كورسەتىلدى

سولتۇستىك قازاقستان وبلىسىندا ەرتەڭنەن باستاپ كوپتەگەن نىساننىڭ جۇمىس ىستەۋىنە رۇقسات بەرىلدى، دەپ حابارلايدى Egemen.kz.

سقو-نىڭ باس مەملەكەتتىك سانيتار دارىگەرىنىڭ جاڭا قاۋلىسى ەرتەڭ، 9 ماۋسىمنان باستاپ كۇشىنە ەنەدى. قۇجاتقا سايكەس وڭىردە كارانتيندىك شەكتەۋلەردىڭ كەيبىرى الىندى:

1) كەلۋشىلەر سانىن 30%-دان اسىرماي بيليارد، بوۋلينگ، كومپيۋتەر كلۋبتارى مەن اكۆاپاركتىڭ جانە عيمارات ىشىندەگى بالالاردىڭ ويىن الاڭدارىنىڭ جۇمىس ىستەۋىنە رۇقسات بەرىلەدى;

2) كەلۋشىلەر سانىن 30%-دان جانە 50 ادامنان اسىرماي، بانكەت زالدارىندا ەسكە الۋ ءىس-شارالارىن وتكىزۋگە بولادى;

3) ءدىني نىسانداردا دا ادام سانىن اسىرماي، ماسكا تاعىپ جانە 4 مەتر الەۋمەتتىك ارا قاشىقتىقتى ساقتاپ ءىس-شارالاردى وتكىزۋگە رۇقسات بەرىلەدى;

4) مادەنيەت نىساندارىندا جەكە، توپتىق دايىندىقتاردى ادام سانىن 50-دەن اسىرماي وتكىزۋگە بولادى;

5) مەكتەپكە دەيىنگى مەكەمەلەرگە توپتاردى قوسىپ، ءىس-شارا وتكىزبەي جۇمىس ىستەۋگە رۇقسات بەرىلەدى;

6) مونشا، ساۋنالاردىڭ جەكسەنبى كۇنى دە جۇمىس ىستەۋىنە بولادى;

7) سپورتتىق ءىس-شارالاردى كورەرمەن سانىن 20%-دان، ال كينوتەاتر، تەاتر، كونتسەرت زالدارىنىڭ جۇمىسىن كورەرمەن سانىن 30%-دان اسىرماي ۇيىمداستىرۋعا بولادى;

8) قوعامدىق تاماقتانۋ ورىندارىنىڭ جۇمىسى ساعات 2.00-گە دەيىن ۇزارتىلادى;

9) بالالاردىڭ ساۋىقتىرۋ لاگەرلەرى 100% تولىمدىقپەن جۇمىسقا كىرىسەدى. سقو قازاقستان وڭىرلەرىندەگى ەپيدەميالىق احۋالدى باعالاۋ ماتريتساسى بويىنشا «جاسىل» ايماقتا. ماسەلەن وتكەن تاۋلىكتە وبلىستا كوروناۆيرۋس جۇقتىرۋدىڭ جاڭادان 13 جاعدايى عانا تىركەلدى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار