قازاقستان • 08 ماۋسىم، 2021

م ۇلىك سالىعىنا وزگەرتۋلەر ەنگىزىلەدى

43 رەت كورسەتىلدى

ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا دەپۋتاتتار ازىرلەگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك، الەۋمەتتىك كاسىپكەرلىك جانە مىندەتتى الەۋمەتتىك مەديتسينالىق ساقتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى، دەپ حابارلايدى Egemen.kz

زاڭ جوباسىندا ەلىمىزدەگى الەۋمەتتىك كاسىپكەرلىكتى زاڭنامالىق رەتتەۋ جانە ونىڭ دامۋ تەتىكتەرىن جۇيەلەۋ كوزدەلىپ وتىر.

قۇجاتتا «الەۋمەتتىك كاسىپكەرلىك» ۇعىمى، الەۋمەتتىك كاسىپكەرلىك سۋبەكتىلەرىنىڭ نەگىزگى مىندەتتەرى مەن ساناتتارى، الەۋمەتتىك كاسىپكەر مارتەبەسىن بەرۋ تەتىگى، سونداي-اق مەملەكەتتىك قولداۋ شارالارى بەكىتىلەدى. الەۋمەتتىك كاسىپكەرلىك سۋبەكتىلەرىنىڭ قىزمەتى باعىتتالعان حالىقتىڭ الەۋمەتتىك وسال توپتارى انىقتالدى.

سەناتورلار سونىمەن قاتار الەۋمەتتىك كاسىپكەرلىكتى قولداۋ جونىندەگى مەملەكەتتىك شارالاردى زاڭنامالىق بەكىتۋ ءۇشىن ازىرلەنگەن سالىق كودەكسىنە تۇزەتۋلەردى قارادى.

«زاڭ جوباسىندا حالىقتىڭ الەۋمەتتىك وسال توپتارىنا جاتاتىن قىزمەتكەرلەردى وقىتۋعا، بىلىكتىلىگىن ارتتىرۋعا نەمەسە كاسىبى بويىنشا قايتا دايارلاۋعا جۇمسالعان شىعىستار مولشەرىندە سالىق سالىناتىن كىرىستى ازايتۋ قۇقىعى، بىراق 120 ەسەلەنگەن اەك مولشەرىنەن اسپايتىن، سونداي-اق سالىق بازاسىنا 0،5% ستاۆكا بويىنشا م ۇلىك سالىعى سياقتى مەملەكەتتىك قولداۋ شارالارى كوزدەلگەن»، دەپ اتاپ ءوتتى سەناتور ەرىك سۇلتانوۆ.

زاڭ جوباسىن ماجىلىستە قاراۋ بارىسىندا ىسكەرلىك بەلسەندىلىكتى ىنتالاندىرۋدى، جۇمىسپەن قامتۋدى قامتاماسىز ەتۋدى، مىندەتتى الەۋمەتتىك مەديتسينالىق ساقتاندىرۋدى دامىتۋدى جانە باسقا دا شارالاردى كوزدەيتىن تۇزەتۋلەر ەنگىزىلگەن بولاتىن.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار