«بۇگىن تاۋەلسىزلىك سارايىن دامىتۋدىڭ جاڭا تۇجىرىمداماسىن تانىستىرۋدامىز. پاندەميا كەزىندە كوپتەگەن كاسىپورىندار مەن مادەنيەت نىساندارى ءوزىنىڭ ءتيىمسىز ەكەندىگىن كورسەتتى.
تاۋەلسىزدىك سارايىنىڭ بۇرىنعى تۇجىرىمداماسى اۋقىمدى حالىقارالىق جانە كوپشىلىككە ارنالعان مادەني ءىس-شارالاردان تۇردى. دەگەنمەن كارانتين تالاپتارىنا بايلانىستى اتالعان تۇجىرىمدا ءوز ماڭىزدىلىعىن جوعالتتى. وسى ورايدا بيۋدجەت قارجىسىنان كۇنەلتىپ وتىرعان اۋماعى 38 مىڭ شارشى مەتر بولاتىن بۇل نىساننىڭ قىزمەتىن قايتا قاراۋ كەرەك بولدى. بۇگىن كوممۋنالدىق مەنشىكتى قالاي ءتيىمدى باسقارۋ كەرەكتىگىن كورسەتەتىن بولامىز.
ءبىز بيۋدجەت شىعىنىن ازايتىپ, نىساننىڭ كوممەرتسيالىق مۇمكىندىگىن ارتتىردىق. سونىمەن قاتار تاۋەلسىزدىك سارايىنىڭ الەۋمەتتىك-مادەني ماڭىزدىلىعىن دا ەستەن شىعارمايمىز», دەدى Astana Venue Management جشس-نىڭ باس ديرەكتورى مالىك حاسەنوۆ.
تاۋەلسىزدىك سارايىنىڭ جاڭا تۇجىرىمداماسىنا سايكەس بالالار مەن جاستاردىڭ شىعارماشىلىق جانە سپورت الەۋەتىن ارتتىرۋ ماقساتىندا مۇندا ۇيىرمەلەر مەن ءتۇرلى سەكتسيالار اشىلدى. ۇيىرمەلەرگە كۇندەلىكتى 2 مىڭعا جۋىق بالا قاتىسادى.
