«تۇركيا مەن قازاقستان اراسىنداعى ديپلوماتيالىق قاتىناستاردىڭ 30 جىلدىعىنا وراي, ەل ورداسى نۇر-سۇلتاننىڭ ەڭ بەدەلدى ساياباعى سانالاتىن پرەزيدەنتتىك ساياباقتا «تۇركيا-قازاقستان باۋىرلاستىق اللەياسىنىڭ» اشىلۋى ءوتتى.
ەسىل وزەنىنىڭ جاعالاۋىندا اشىلعان جانە قر پرەزيدەنتى رەزيدەنتسياسى - اقورداعا قاراما-قارسى ورنالاسقان اللەياعا ەكى باۋىرلاس ەلدىڭ ءار جىلىن بەينەلەيتىن 30 تال وتىرعىزىلدى. تۇركيا ەلشىسى ۋفۋك ەكيدجي مەن نۇر-سۇلتان قالاسى اكىمىنىڭ ورىنباسارى باقتيار ماكەننىڭ قاتىسۋىمەن وتكەن اشىلۋ سالتاناتىنا حالىقارالىق تۇركى اكادەمياسى پرەزيدەنتى دارحان قىدىرالى, ازەربايجان ەلشىسى راشاد مامەدوۆ, قر ءسىم دەپارتامەنت ديرەكتورى وڭتالاپ وڭالباەۆ جانە نۇر-سۇلتانداعى تۇرىك قاۋىمداستىعى وكىلدەرى قاتىستى», دەلىنگەن حابارلامادا.
سونداي-اق, اللەيانىڭ اشىلۋى قازاقستان تاۋەلسىزدىگىنىڭ 30 جىلدىعىمەن تۇسپا-تۇس كەلدى.
ەلشىلىكتىڭ مالىمدەۋىنشە, 1991 جىلى 16 جەلتوقساندا قازاقستان تاۋەلسىزدىگىن العاش مويىنداعان ەل تۇركيا بولدى. ەكى باۋىرلاس ەل اراسىنداعى ديپلوماتيالىق قاتىناستار 1992 جىلعى 2 ناۋرىزدا ورناتىلدى.
