«اسكەري كافەدرادا ازاماتتاردى اسكەري دايىندىقتان وتكىزۋ, ول ستۋدەنتتەردىڭ كاسىبي ءبىلىم الىپ جاتقان ماماندىقتارى نەگىزىندە اسكەري-ەسەپتىك ماماندىقتار بويىنشا اسكەري وقىتىلعان رەزەرۆتەر قالىپتاستىرۋ ماقساتىندا دايىندالادى. ول قورعانىس مينيسترلىگىنىڭ ۇيىمداستىرۋ-جۇمىلدىرۋ جۇمىستارى قۇرىلىمدىق بولىمشەسىنىڭ تاپسىرماسى بويىنشا جۇرگىزىلەدى», دەدى ايبار سابىرتاي ۇلى.
سونىمەن قاتار ول قازاقستاندا قانشا اسكەري كافەدرا بار ەكەنىن ايتتى. «بۇگىنگى تاڭدا, قازاقستاندا 36 اسكەري كافەدرا بار. ول جوعارعى وقۋ ورىندارىنىڭ جانىندا قۇرىلعان.
اسكەري كافەدرالار قازاقستاننىڭ بۇكىل اۋماعىن قامتيدى جانە بارشا ءبىزدىڭ قارۋلى كۇشتەردىڭ قاجەتتىلىگىنە ءارى باسقا دا, كۇشتىك قۇرىلىمداردىڭ قاجەتتىلىگىن تولىعىمەن قامتاماسىز ەتەدى», دەدى دەپارتامەنت وكىلى.
