ANTIKOR • 05 ماۋسىم، 2021

ANTIKOR باسشىسى بۇۇ باس اسسامبلەياسىنىڭ 32-ءشى ارنايى سەسسياسىندا ءسوز سويلەدى

85 رەت كورسەتىلدى

ANTIKOR توراعاسى مارات احمەتجانوۆ بۇۇ باس اسسامبلەياسىنىڭ 32-ءشى ارنايى سەسسياسىندا سىبايلاس جەمقورلىقتىڭ الدىن الۋ، وعان قارسى كۇرەس جانە حالىقارالىق ىنتىماقتاستىقتى كۇشەيتۋ سالاسىنداعى سىن-قاتەرلەر مەن شارالار بويىنشا ءسوز سويلەدى، دەپ حابارلايدى Egemen.kz.

بۇۇ باس اسسامبلەياسىنىڭ سىبايلاس جەمقورلىققا قارسى ارنايى سەسسياسى العاش رەت وتۋدە.

مارات احمەتجانوۆتىڭ ايتۋىنشا، تاۋەلسىزدىك جىلدارى قازاقستاندا سىبايلاس جەمقورلىققا قارسى ءىس-قيمىل ماسەلەلەرىندە ەلەۋلى جۇمىس جۇرگىزىلگەنىن اتاپ ءوتتى. ىسكە اسىرىلعان شارالاردىڭ ارقاسىندا قازاقستان ەكى جىل ىشىندە دۇنيەجۇزىلىك بانكتىڭ سىبايلاس جەمقورلىقتى باقىلاۋ ينديكاتورى بويىنشا كورسەتكىشىن ەكى ەسەدەن استام جاقسارتتى، ترانسپارەنسي ينتەرنەشنل سىبايلاس جەمقورلىقتى قابىلداۋ يندەكسى بويىنشا ءوسىم 30 ورىندى قۇرادى.

ANTIKOR باسشىسى ءوز سوزىندە، سىبايلاس جەمقورلىققا قارسى ءىس-قيمىل سالاسىنداعى جۇمىستىڭ تيىمدىلىگىن ارتتىرۋ بويىنشا جۇمىس جالعاسۋدا.

ماسەلەن، بۇگىندە سىبايلاس جەمقورلىققا قارسى باستامالار – ەلىمىزدە جۇرگىزىلىپ جاتقان اۋقىمدى وزگەرىستەردىڭ ءبىر بولىگى. ءبىر جاعىنان، قاۋىپسىز قىلمىستاردى العاش رەت جاساعاندارعا زاڭنىڭ رەپرەسسيۆتىلىگى تومەندەسە، ەكىنشى جاعىنان، سىبايلاس جەمقورلىقتى قوسا العاندا، اۋىر، الەۋمەتتىك قاۋىپتى ارەكەتتەر ءۇشىن جاۋاپكەرشىلىك كۇشەيتىلەدى.

سونداي-اق، بيىلدان باستاپ قىلمىستىق قۋدالاۋ ورگاندارى تۇبەگەيلى جاڭا جاعدايلاردا جۇمىس ىستەيدى. اتاپ ايتقاندا، ەىدۇ ەلدەرىنىڭ تاجىريبەسى بويىنشا قىلمىستىق پروتسەستىڭ ءۇش بۋىندى مودەلى ەنگىزىلدى. جينالعان دالەلدەمەلەر پروكۋرور تاراپىنان تاۋەلسىز باعالانادى، ونىڭ كەلىسىمىنسىز ەشقانداي نەگىزگى ءىس جۇرگىزۋ شەشىمىنىڭ زاڭدى كۇشى بولمايدى.

قورىتىندىلاي كەلە، م.احمەتجانوۆ قازاقستان سىبايلاس جەمقورلىقتى ونىڭ بارلىق نىساندارىندا جويۋ باعىتىن ۇستاناتىنىن جانە بارلىق مۇددەلى تاراپتارمەن ىنتىماقتاستىققا دايىن ەكەنىن اتاپ ءوتتى.

بۇۇ باس اسسامبلەياسىنىڭ ارنايى سەسسياسىنىڭ پلەنارلىق وتىرىستارىندا بۇۇ-نىڭ سىبايلاس جەمقورلىققا قارسى كونۆەنتسياسىنا مۇشە مەملەكەتتەر مەن ۇەۇ وكىلدەرىنىڭ، سونداي-اق باس اسسامبلەياداعى باقىلاۋشىلاردىڭ باياندامالارى كۇتىلۋدە.

ءىس-شارا قورىتىندىلارى بويىنشا ناقتى ءىس-قيمىلعا باعدارلانعان ساياسي دەكلاراتسيانى قابىلداۋ جوسپارلانۋدا. اتالعان قۇجاتتىڭ جوباسىندا سىبايلاس جەمقورلىققا قارسى ءىس-قيمىلدىڭ كەشەندى ءتاسىلىن قامتاماسىز ەتۋگە، حالىقارالىق قوعامداستىقتىڭ بىرلەسكەن كۇش-جىگەرىن قابىلداۋعا جانە پاراساتتىلىقتى، اشىقتىق پەن ەسەپتىلىكتى ىلگەرىلەتۋگە ەرەكشە نازار اۋدارىلعان.

ءىس-شارا 2-4 ماۋسىم ارالىعىندا نيۋ-يورك قالاسىندا (اقش) ونلاين فورماتتا ءوتتى.

بۇۇ

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار