جقجك جوبالارى 4 نەگىزگى باعىتقا بولىنگەن:
– حالىقتىڭ ءومىر ءسۇرۋ ساپاسىن ارتتىرۋ;
– شوب ءۇشىن قارجىلاندىرۋدىڭ قولجەتىمدىلىگىن ارتتىرۋ;
– اگروونەركاسىپتىك كەشەندى دامىتۋ;
– وڭىرلەردە بيزنەستى دامىتۋ.
قر ۇكىمەتى جانىنداعى حالىقتى جۇمىسپەن قامتۋ ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسىندا ءبىرىنشى باعىت بويىنشا جوبالار سانىن 136-دان 199-عا دەيىن ارتتىرۋ تۋرالى شەشىم قابىلداندى. ونىڭ ىشىندە 49 مەكتەپ (بارلىعى 61 نىسان), 9 جاتاقحانا, 11 دەنساۋلىق ساقتاۋ نىسانى, تۇرعىن ءۇي-كوممۋنالدىق شارۋاشىلىق سالاسىنداعى 70 جوبا جانە 60 باسقا دا نىساندار (الەۋمەتتىك قامسىزداندىرۋ, قىزمەت كورسەتۋ وبەكتىلەرى) بار. جوبالاردى ىسكە اسىرۋ كەزىندە 18,3 مىڭ جۇمىس ورنىن, ونىڭ ىشىندە 7,9 مىڭ تۇراقتى جۇمىس ورنىن قۇرۋ جوسپارلانۋدا.
جوبالاردى ىرىكتەۋ كەزىندە نەگىزگى نازار تۇراقتى جۇمىس ورىندارىن قۇرۋعا, 3 اۋىسىمدى جانە اپاتتى مەكتەپتەردىڭ كەيبىر ماسەلەلەرىن شەشۋگە, اۋىل تۇرعىندارىنىڭ دەنساۋلىق ساقتاۋعا قولجەتىمدىلىگىن قامتاماسىز ەتۋگە, سۋارمالى جەرلەردىڭ الاڭىن ۇلعايتۋعا اۋدارىلدى.
ەكىنشى باعىت اياسىندا 6%-كە دەيىنگى مولشەرلەمەمەن جەڭىلدەتىلگەن ميكروكرەديتتەر بەرۋ قاراستىرىلعان. 22,5 ملرد تەڭگە سوماسىنا 5,4 مىڭ جوبادان تۇراتىن ءتىزىم جاسالدى, وعان ەت ونىمدەرىن, ءسۇتتى ءوندىرۋ جانە قايتا وڭدەۋ, تاماق ونەركاسىبى, قىزمەت كورسەتۋ سالالارى جانە باسقا دا جوبالار كىردى.
ميكروكرەديت الۋشىلار قوسىمشا 10,6 مىڭ جۇمىس ورنىن اشادى.
ءۇشىنشى باعىت بويىنشا اۋىل شارۋاشىلىعى مينيسترلىگىمەن جانە «بايتەرەك» حولدينگىمەن بىرلەسىپ, سوڭعى قارىز الۋشى ءۇشىن 6%-كە دەيىنگى مولشەرلەمەمەن 100 ملرد تەڭگە سوماسىنا 42 ينۆەستيتسيالىق جوبا ىسكە اسىرىلاتىن بولادى.
جوبالار جۇمىسپەن قامتۋدى قولداۋ جانە جۇمىس ورىندارىن قۇرۋ; پىسىقتالۋدىڭ جوعارى دەڭگەيى; ازىق-ت ۇلىك تاۋارلارىنىڭ يمپورتىن قىسقارتۋ شارتتار بويىنشا ىرىكتەلدى. 2,2 مىڭ ۋاقىتشا جانە 3,8 تۇراقتى جۇمىس ورنى قۇرىلادى.
ءتورتىنشى باعىت شەڭبەرىندە شامامەن 6 مىڭ جۇمىس ورنى بيزنەس سۋبەكتىلەرىنە جەڭىلدىكپەن كرەديت بەرۋ جانە قارىز بەرۋ, سونداي-اق جارعىلىق كاپيتالعا ينۆەستيتسيالاۋ, قارجىلىق ەمەس قولداۋ كورسەتۋ ەسەبىنەن قۇرىلاتىن بولادى.
قازىرگى ۋاقىتتا جقجك اياسىندا 67 جوبانى ىسكە اسىرۋ باستالدى, وندا 3 مىڭ ادام جۇمىسقا ورنالاستىرىلدى. جۇمىس ىزدەپ جۇرگەن قازاقستاندىقتار تۇرعىلىقتى جەرى بويىنشا حالىقتى جۇمىسپەن قامتۋ ورتالىقتارىنا جۇگىنۋ جولىمەن جقجك شەڭبەرىندە ينفراقۇرىلىمدىق جوبالاردى ىسكە اسىرۋعا قاتىسا الادى.
حالىقتى جۇمىسپەن قامتۋ ورتالىقتارى ۋاقىتشا تىركەلگەن ادامداردى قوسا العاندا, جۇمىسپەن قامتۋ ورگاندارىندا جۇمىس ىزدەپ جۇرگەن ادامدار, جۇمىسسىزدار, سونداي-اق جۇمىستان بوساتىلاتىن ادامدار, جالاقىسى ساقتالمايتىن دەمالىستا جۇرگەن ادامدار, ستۋدەنتتەر رەتىندە تىركەلگەندەر قاتارىنان قاجەتتى بىلىكتىلىگى بار مامانداردى ىرىكتەۋدى جۇزەگە اسىرادى جانە ينفراقۇرىلىمدىق جوبانى ىسكە اسىراتىن جۇمىس بەرۋشى-مەردىگەرگە جىبەرەدى.
حجقو ارقىلى ينفراقۇرىلىمدىق جوبالارعا جۇمىسقا ورنالاستىرۋ كەزىندە جۇمىسسىز جاستارعا, NEET ساناتىنداعى جاستارعا, سونداي-اق دەنساۋلىعىنا زيان كەلتىرمەيتىن جانە وقۋ پروتسەسىن بۇزبايتىن جۇمىستاردا ستۋدەنتتەرگە باسىمدىق بەرىلەدى. حجقو قاجەت بولعان جاعدايدا ينفراقۇرىلىمدىق جوباعا جۇمىسقا ورنالاستىرۋ كەپىلدىگىمەن ءتيىستى جۇمىستاردى ورىنداۋ ءۇشىن جۇمىس بەرۋشى-مەردىگەردىڭ/قوسالقى مەردىگەردىڭ وتىنىمدەرى بويىنشا كادرلاردى قايتا دايارلاۋدى قامتاماسىز ەتەدى.
حجقو باعىتتارى بويىنشا جۇمىسقا ورنالاسقانداردىڭ جالاقى مولشەرى سالىقتاردى, الەۋمەتتىك تولەمدەردى جانە ەكولوگيالىق ۇستەمەاقىلار بويىنشا تولەمدەردى ەسەپكە الماعاندا, پايدالانىلماعان ەڭبەك دەمالىسى ءۇشىن وتەماقىنى ەسكەرە وتىرىپ, ەڭ تومەنگى جالاقىنىڭ كەمىندە ەكى مولشەرى (83 مىڭ تەڭگە) دەڭگەيىندە بەلگىلەنەدى.
