«ەلوردا قارقىندى دامىپ كەلەدى. قالادا قۇرىلىس ماتەريالدارىنا سۇرانىس جوعارى. ينۆەستيتسيالار ماسەلەلەرى جونىندەگى كەزەكتى وڭىرلىك ۇيلەستىرۋ كەڭەسىندە التى زاۋىت پەن فابريكا قۇرىلىسى ماقۇلداندى. مىسالى, كىرپىش زاۋىتىن سالۋ, تەمىر-بەتون بۇيىمدارىن, كەسپە تاستار مەن جيەك تاستاردى, سانفايانس پەن كەراميكانى ءوندىرۋ جوبالارى قارالىپ, قولداۋ تاپتى.
بۇگىن كىرپىش زاۋىتىنىڭ قۇرىلىس ورنىنا باردىق. زاۋىتتىڭ وندىرىستىك قۋاتى جىلىنا 120 ملن دانا قىش كىرپىشتى قۇرايدى. جوبانى ىسكە اسىرۋ شارشى مەتردىڭ وزىندىك قۇنىن تومەندەتۋگە جانە ءوندىرىس كولەمىن ۇلعايتۋعا مۇمكىندىك بەرەدى. زاۋىت تولىعىمەن اۆتوماتتاندىرىلعان بولادى. گازبەن بىركەلكى كۇيدىرۋ ەسەبىنەن قاتارداعى جانە قاپتالعان كەراميكالىق كىرپىش شىعارۋ كوزدەلگەن.
تاعى ءبىر جوبا - جۇمساق جانە كورپۋستىق جيھاز, سونداي-اق ەسىكتەر شىعارۋ جوباسى. جاڭا جيھاز فابريكاسى جىلىنا 24 مىڭعا جۋىق جۇمساق جانە شكاف جيھازدارىن شىعارادى, ال ەسىك شىعاراتىن زاۋىت ايىنا 2000-عا دەيىن ىشكى ەسىكتەر جيىنتىعىن شىعارادى. ينۆەستورلاردىڭ وسى سالادا ايتارلىقتاي تاجىريبەسى بار.
قولداۋ تاپقان جوبالاردى جۇزەگە اسىرۋ 1 مىڭعا جۋىق جۇمىس ورنىن اشۋعا جانە ەل ەكونوميكاسىنا 50 ملرد تەڭگە تارتۋعا مۇمكىندىك بەرەدى.
وتكەن جىلى قالادا 3 ملن شارشى مەتر تۇرعىن ءۇي سالىنىپ, پايدالانۋعا بەرىلدى. مىسالى, 2020 جىلى 7 مىڭنان استام الەۋمەتتىك پاتەر سالىندى, بيىل بۇل كورسەتكىشتى 10 مىڭعا دەيىن كوتەرەمىز. تيىسىنشە, ىلەسپە وندىرىستەردى – «قاراپايىم زاتتار ەكونوميكاسىن» دامىتۋ قاجەت. وتاندىق وندىرۋشىلەردى, قالا مەن تۇرعىندار ءۇشىن قاجەتتى جوبالاردى قولداۋ ماڭىزدى. قۇرىلىس يندۋسترياسىنىڭ ءوندىرىسىن كەڭەيتۋ قاجەت. ءاربىر جەكە جوبا - بۇل جەكە ينۆەستيتسيالاردى تارتۋ عانا ەمەس, جاڭا جۇمىس ورىندارىن قۇرۋ.
مەملەكەت باسشىسىنىڭ تاپسىرماسى بويىنشا ينۆەستورلارعا قولايلى جاعداي جاسايمىز. قولداۋ كورسەتىلگەن جوبالاردى ىسكە اسىرۋ بارىسىن ءاربىر ينۆەستورمەن جەكە پىسىقتايمىز», دەپ جازدى ەلوردا اكىمى.
