بۇل تۋرالى قازاقستان ۇلتتىق بانكى قولما-قول اقشا اينالىسى دەپارتامەنتىنىڭ ديرەكتورى جومارت قاجىمۇراتوۆ مالىمدەدى.
«جاڭا بانكنوت شىققان جاعدايدا, 12 اي ىشىندە ەسكى بانكنوت قاتار قولدانىستا جۇرەدى. باسقاشا ايتساق, ەسكى بانكنوت تا, جاڭا بانكنوت تا زاڭدى تولەم قۇرالى بولادى جانە ولاردى ءبىر جىل بويى بارلىق تولەم ءتۇرى بويىنشا قابىلداۋعا مىندەتتى.
قانداي دا ءبىر بانكنوت اينالىمنان شىققاننان كەيىن ونى 3 جىل مەرزىم ىشىندە ۇلتتىق بانكتىڭ فيليالدارىنان دا, ەكىنشى دەڭگەيلى بانكتەردىڭ (ەدب) بولىمشەلەرىنەن دە, «قازپوشتا» اق كەڭسەلەرىنەن دە ايىرباستاپ الۋعا بولادى», دەدى ج.قاجىمۇراتوۆ.
ەگەر ءسىز بەلگىلى ءبىر سەبەپتەرگە بايلانىستى اينالىمنان شىققان بانكنوتتاردى 3 جىل ىشىندە ەدب پەن «قازپوشتا» اق كەڭسەلەرىندە ايىرباستاي الماي قالساڭىز, وندا ۇلتتىق بانكتىڭ فيليالدارى ولاردى مەرزىم بويىنشا شەكتەۋسىز قابىلدايدى.
