بەلگىلى بولعانداي, تۋريستەر باستيونعا قاراما-قارسى جارتاسقا كوتەرىلىپ وزدىگىنەن تومەن تۇسە الماي قالعان.
«وقيعا ورنىنا جەدەل قۇتقارۋ توبى اتتاندى. رەسپۋبليكالىق جەدەل-قۇتقارۋ جاساعىنىڭ ماماندارى شاپشاڭدىعى مەن كاcىبي شەبەرلىگىنىڭ ارقاسىندا زارداپ شەككەندەردى تەز ارادا ىزدەپ تاپتى. ولار 50 گرادۋس ەڭىستەگى جارتاستا شامامەن 3500 مەتر بيىكتىكتە بولعان. سونداي-اق وقيعا ورنىنا الماتى قالاسىنىڭ قۇتقارۋ قىزمەتىنىڭ قىزمەتكەرلەرى دە كەلدى», دەپ حابارلادى رەسپۋبليكالىق جەدەل-قۇتقارۋ جاساعىنىڭ ءباسپاسوز قىزمەتى.
ول جاققا جەتۋ وڭايعا سوقپاعان. جارتاستاردان سۋ اعىپ, ۇلكەن تاستار تومەنگە قاراي دومالاپ, كەي جەرلەردە قار مەن مۇز بولعان.
«توتەنشە جاعداي قىزمەتىنىڭ قۇتقارۋشىلارى الپينيستىك تەحنيكانى قولدانىپ, بارلىق كەدەرگىلەردى ەڭسەرە وتىرىپ, جاستاردى تومەن ءتۇسىردى», دەدى ۆەدومستۆادان.
قۇتقارىلعان قىز بەن جىگىت شىعىس قازاقستان وبلىسىنىڭ تۋمالارى. ەكەۋى دە قاتتى شارشاعان ءارى كيىمدەرى دە مۇنداي باعىتقا ارنالماعان.
