2021 جىلعى 24 مامىردا جەدەل-ىزدەستىرۋ ءىس-شارالارى مەن جاسىرىن تەرگەۋ ءىس-قيمىلدارى كەشەنىن ىسكە اسىرۋ پروتسەسىندە قىلمىستىق يەرارحيادا حالىقارالىق ەسىرتكى توبىن ۇيىمداستىرۋشىلاردىڭ ءبىرى رەتىندە ارەكەت ەتەتىن, «مەفەدرون» ەسىرتكى قۇرالىنىڭ كوتەرمە پارتيالارىن وتكىزۋمەن اينالىساتىن الماتى قالاسىنىڭ تۇرعىنى ۇستالدى.
ءتىنتۋ ءىس-شارالارىن جۇرگىزۋ ناتيجەسىندە 1,3 كگ سينتەتيكالىق ەسىرتكى تابىلىپ, تاركىلەندى. قر ۇقك ءباسپاسوز قىزمەتىنىڭ مالىمەتىنشە, تاۋار قر-دا جۇمىس ىستەيتىن ءىرى ينتەرنەت-دۇكەندەردىڭ ءبىرى ارقىلى جاسىرىن قويىلمالاردى جۇزەگە اسىرا وتىرىپ, قاتىناسسىز تاسىلمەن ساتىلعانى انىقتالدى.
«اتالعان فاكت بويىنشا قر ۇقك الماتى ق. بويىنشا دەپارتامەنتى سوتقا دەيىنگى تەرگەۋ ماتەريالدارىن قر قك 297-بابى 3-بولىگى بويىنشا سدتبت-عا تىركەدى», دەلىنگەن ۆەدومستۆونىڭ مالىمەتىندە.
سوڭعى ۋاقىتتا الماتىنىڭ «قارا نارىعىندا» ەسىرتكى قۇرالدارىنىڭ ءىرى پارتيالارىن قولدان جاساۋ مەن جەتكىزۋ توقتاۋسىز وسۋدە. ناقتىراق ايتقاندا, 2021 جىلدىڭ باسىنان باستاپ قازىرگى ۋاقىتقا دەيىن ۇقك دەپارتامەنتى ەسىرتكى قۇرالدارىنىڭ زاڭسىز اينالىمىنىڭ 11 فاكتىسىنىڭ جولىن كەستى, سينتەتيكالىق ەسىرتكى ءوندىرۋ جونىندەگى 5 جاسىرىن زەرتحانانىڭ (ونىڭ ىشىندە بىرەۋى قىرعىزستان اۋماعىندا) ارەكەتىن جويدى.
زاڭسىز اينالىمنان شامامەن 190 كيلوگرامم ەسىرتكى تاركىلەندى. ەسىرتكى بيزنەسىمەن اينالىسقانى ءۇشىن 17 ادام ۇستالىپ, قىلمىستىق جاۋاپقا تارتىلدى.
