«قىس-كوكتەم مەزگىلدەرىندە قار مەن جاۋىن-شاشىن مولشەرىنىڭ از بولۋىنا بايلانىستى ارال اۋدانىندا قۋاڭشىلىق جاعدايى ورىن الدى. مال سانى مەن مال ازىعىنىڭ بالانسىن ۇستاپ تۇرۋ ءۇشىن اۋدانداعى شارۋاشىلىق قۇرىلىمدارى مال باستارىن قىسقارتۋ باعىتىندا جۇمىس جاساپ جاتىر. اۋىل تۇرعىندارى, ەرىكتىلەر جانە اۋداندىق توتەنشە جاعدايلار ءبولىمىنىڭ قىزمەتكەرلەرى تاراپىنان كەزەكشىلىك ۇيىمداستىرىلۋدا. قازىر مال ءولىمى جوق», دەدى ارال اۋدانى اكىمىنىڭ ورىنباسار ەركىن ابىشەۆ.
ايماق باسشىسىنىڭ تاپسىرماسىنا ساي ارالدىق شارۋالاردىڭ مال ازىعى ماسەلەسىن شەشۋدىڭ جۇيەلى جوسپارى جاسالىندى. ماسەلەن, ءار اپتانىڭ سەنبى كۇنى ارال اۋدانىندا اۋىل شارۋاشىلىعى جارمەڭكەسى وتكىزىلىپ, جەم ءشوپ نارىق باعاسىنان 10-15 پايىزعا ارزان باعادا ساتىلادى.
«وبلىس شارۋالارىن مال ازىعىمەن قامتۋ ماقساتىندا جۇيەلى جۇمىستار اتقارىلۋدا. مال شارۋاشىلىعى بويىنشا تاۋاروندىرۋشىلەردى مەملەكەتتىك قولداۋ ماقساتىندا وتكەن جىلدان باستاپ «اۋىل شارۋاشىلىعى مالدارىنىڭ ازىعىنا جۇمسالعان شىعىندار قۇنىن ارزانداتۋ» باعىتىندا سۋبسيديالاۋ باستالدى. ناتيجەسىندە وبلىستىق بيۋدجەتتەن 730,0 ملن تەڭگە ءبولىنىپ, 588 شارۋاشىلىق مەملەكەتتىك قارجىنى يەمدەندى. ونىڭ 42-ءسى ارالدىق شارۋالار», دەدى وبلىستىق اۋىل شارۋاشىلىعى باسقاراماسى باسشىسىنىڭ مىندەتىن اتقارۋشى اينۇر تىلەۋلەەۆا.
قازىر ۆەتەريناريا ماماندارى مەن ارنايى زەرتحاناشىلار اۋدانداعى ەلدى مەكەندەردى ارالاپ, تەكسەرۋ جۇمىستارىن جۇرگىزۋدە. ولگەن مالداردان سىنامالار الۋدا.
«اۋداندا 8 اۋىلدا مالداردىڭ ءولۋ فاكتىسى تىركەلگەن. زەردەلەۋ جۇرىگىزىلىپ, سىناما الىنۋدا. حاتتاما تولتىرىپ, بارلىعىن تىركەۋدەمىز. زەرتحانا ماماندارى 6 باس جىلقىدان گاستروفيلەز اۋرۋىنا, 6 باس ءمۇيىزدى ءىرى قارادان پارەنحيماتوزدى اۋرۋىنا تالدامالار الدى», دەدى وبلىستىق ۆەتەريناريا باسقارماسى باسشىسىنىڭ ورىنباسارى انۋاربەك دارماعامبەتوۆ.
مالداردان بولەك اۋدان ماڭىنداعى داريا مەن سۋاتتاردان دا سىناما الىنعان. ساراپتاما قورىتىندىسىنا ساكەس ءتورت ت ۇلىكتىڭ ءولۋ فاكتىسى نەدەن ورىن العاندىعى انىقتالىپ, ءتيىستى شارالار قابىلداناتىن بولادى.
