قازاقستان • 03 ماۋسىم، 2021

شەتەلدىكتەر انىقتاماسىز وتە المايدى

40 رەت كورسەتىلدى

پاۆلودار وبلىسى اۋماعىنداعى رەسەي فەدەراتسياسىنىڭ وڭىرلەرىمەن شەكتەسەتىن مەملەكەتتىك شەكارانىڭ «قوساق»، «ۇرلىتوبە»، «سۇلۋاعاش»، «شارباقتى» وتكىزۋ بەكەتتەرىندە ىندەت تارالماۋى ءۇشىن قاتاڭ باقىلاۋ جۇرگىزىلۋدە. ىندەت باستالعالى رەسەي، قىرعىزستان ەلدەرىنەن وبلىسقا 111 799 ادام كەلگەن. شەكارا بەكەتتەرىندە كۇندەلىكتى پتر تەست وتكىزىلۋدە.

جالپى، 1 446 شەتەلدىكتىڭ پتر انىقتاماسىز وتۋىنە جول بەرىلگەن جوق. بۇل جايىندا وب­لىس­تىق سانيتارلىق-ەپي­دە­ميالىق باقىلاۋ دەپارتا­مەن­تىنىڭ مالىمەتىندە ايتىلدى. مىسالى، 31 مامىردا وڭىرگە رەسەي اۋماعىنان 520 ادام كەلسە، ونىڭ 364-ءى جاياۋ جانە 156 فۋرا جۇرگىزۋشىلەرى تىركەلگەن. پتر تەكسەرۋ بارىسىندا ىندەت بەلگىلەرى بار 202 ادام انىقتالعان.

– بەكەتتەن تىكەلەي كاران­تين­دىك ستاتسيونارعا 9 جولاۋشى جىبە­رىل­دى، دەلىنگەن حابارلامادا. – سونىمەن بىرگە كورشىلەس ەلدەردىڭ 11 ازاماتىنا پتر-تەست تاپ­سىرعانى تۋرالى انىقتاماسى بەرىلمەگەنى ءۇشىن وبلىسقا وتۋگە تىيىم سالىندى.

ەلىمىزدەگى ەپيدەميالىق جاع­داي­دى باعالاۋ ماتريتساسىنا سايكەس، پاۆلودار وبلىسى 17 مامىردان باستاپ «سارى ايماقتا».

– وبلىستا ىندەت جۇقتىرۋ­شى­لاردىڭ سانى ازايۋدا. 10-16 مامىر ارالىعىندا 698 جاع­داي انىقتالسا، قازىر بۇل كور­سەت­كىش تومەندەدى. 31 مامىر كۇنى 65 ىندەت جۇقتىرۋ جاعدايى تىركەلدى. تاۋلىكتىك ءوسىم 0،4 پا­يىزدى قۇرايدى. وسى ۋاقىتقا دەيىن وبلىستا 22 900 ادامنان ىندەت جۇقتىرۋ انىقتالسا، 21 092 تۇرعىن جازىلىپ شىقتى، – دەيدى دەپارتامەنت باسشىسى باتىربەك اليەۆ.

ىندەت جۇقتىرۋشىلاردىڭ ازايۋ­ىنا شەكارا بەكەتتەرىندەگى ءتار­تىپ پەن باقىلاۋدىڭ تۇراقتى جۇر­گى­زىلۋى دە اسەر ەتتى. شەكتەۋلەر ەن­گىزىلگەن ساتتەن باستاپ بۇگىنگە دەيىن بەكەتتەردەن وتكىزۋ ءتارتىبى قاتاڭ باقىلاۋعا الىنعان. قازىر باس سانيتار دارىگەردىڭ قاۋلىسىنا ساي، دەمالىس كۇندەرى كەلۋشىلەرگە ساۋدا ۇيلەرى، سپا-ورتالىقتار، باسسەيندەر، جابىق بازارلار اشىق، ال سەنبى كۇندەرى ساۋنالارعا بارۋعا رۇقسات ەتىلدى، مونشالاردىڭ دا جۇ­مىس ۋاقىتىنان شەكتەۋلەر الىن­دى.

اۋدانارالىق جولاۋشىلار اۆتو­بۋسى مەن شاعىن اۆتوبۋستار دا شەكتەۋلەردەن كەيىن تاسىمال جۇ­مىسىن باستادى.

ەلىمىزدىڭ مەملەكەتتىك شەكارا­سىن­داعى «قوساق»، «ۇرلىتوبە»، «سۇلۋاعاش»، «شارباق­تى» وتكىزۋ بەكەتتەرىندە قازىر دە حالىقارالىق تاسىمال مەن جولاۋشىلار اعىنى قوزعالىسىنا تۇراقتى مونيتورينگ جۇرگىزۋ جالعاسۋدا.

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار