وساكاروۆكا كەنتىندە ورىن تەپكەن ورتالىقتا 534 وقۋشىعا بەس باعىت بويىنشا قوسىمشا ءبىلىم بەرىلەدى. اتاپ ايتقاندا, مۇندا وسكەلەڭ ۇرپاق وكىلدەرى عىلىمي-تانىمدىق, كوركەمدىك-ەستەتيكالىق, مۋزىكالىق-تەاترلىق, سپورتتىق جانە تەحنيكالىق باعىتتا ءبىلىم-تانىمىن جەتىلدىرىپ, تۇلعا رەتىندە دامۋ جولىنان وتەدى.
سونىمەن قاتار «جاستار» بالالار مەن جاسوسپىرىمدەر ورتالىعىندا ەگور شلەي, اندرەي موتورين, الديار اۋباكىروۆ, ەراسىل بايعونىس جانە ۆلاديمير پشەنيچنيكوۆ سەكىلدى مۇمكىندىگى شەكتەۋلى بالالار تەگىن ءبىلىم الادى. جالپى, ورتالىقتا ەرەكشە قاجەتتىلىگى بار بالالار ءۇشىن بارلىق جاعداي جاسالعان. اتاپ ايتقاندا, بۇل جەردەگى قولايلى پاندۋس, قاجەتتى وقۋ قۇرالدارى, ءتىپتى ارنايى جابدىقتالعان دارەتحانانىڭ ءوزى مۇمكىندىگى شەكتەۋلى بالالاردىڭ الاڭسىز وقىپ, ەشكىمنەن كەمدىك كورمەۋىنە قالتقىسىز قىزمەت ەتەدى. بۇدان بولەك, ولار وزدەرى قالاعان ۇيىرمەلەر مەن سەكتسيالارعا قاتىسىپ, قوسىمشا ءبىلىم الادى.
اۋدان اكىمى نۇركەن قوبجانوۆ بالالاردى مەرەكەمەن قۇتتىقتاپ, ولارعا دەنساۋلىق, باقىتتى بالالىق شاق تىلەپ, وزىمەن بىرگە الا كەلگەن سىيلىقتارىن تارتۋ ەتتى.
