وسىلايشا iKOMEK ورتالىعى:
2017 جىلى – 200 مىڭ ءوتىنىش;
2018 جىلى – 1 037 مىڭ ءوتىنىش;
2019 جىلى – 1 670 مىڭ ءوتىنىش;
2020 جىلى - 2 197 مىڭ ءوتىنىش قابىلدادى.
وسى جىلدىڭ بەس ايى ىشىندە 1 ميلليوننان استام ءوتىنىش قابىلداندى.
قالا تۇرعىندارى اراسىنداعى مىنانداي ءۇش ماسەلە وتە وزەكتى:
دەنساۋلىق ساقتاۋ (ەمحاناعا تىركەلۋ, دارىگەردى ۇيگە شاقىرۋ جانە ت.ب.);
قوعامدىق كولىك (جۇمىس رەجيمى, باعدارلار جانە تولەم تاسىلدەرى بويىنشا سۇراقتار);
كوروناۆيرۋس (ەكپەنى قايدان الادى, سيمپتوماتيكا, جۇمىس كەستەسى)
ايتىپ وتەتىن جايت, وتىنىشتەردىڭ 86,3% ء«بىرىنشى قوڭىراۋدان», ياعني حابارلاسقان بويدا شەشىلەدى.
«iKOMEK – ۇزدىك حالىقارالىق پراكتيكالاردى, اتاپ ايتقاندا اقش تاجىريبەسىن مەملەكەتتىك باسقارۋ سالاسىندا ەنگىزۋدىڭ جارقىن ۇلگىسى. ءبىز قالا تۇرعىندارىمەن ءوزارا بايلانىس ورناتۋ جانە تۇرعىنداردى قالا دامۋىنا جۇمىلدىرۋ ءۇشىن تمد-داعى بىرەگەي جوبانى جاساپ شىعاردىق. اقش مۇنداي ۇلگىنى (3-1-1 جانە 9-1-1) 28 جىل ىشىندە ەنگىزدى, ال ءبىز بۇل تاجىريبەنى 6 اي ىشىندە ەنگىزدىك. حالىقارالىق ساراپشىلار ءبىزدىڭ كوماندامىزعا ءۇش جىل قاتارىنان «حرۋستال گارنيتۋرا» تابىستاپ, iKOMEK جۇمىسىنا جوعارى باعا بەردى. دەگەنمەن ەڭ باستىسى – تۇرعىنداردىڭ وڭ پىكىرى مەن العىسىن الدىق», دەيدى iKOMEK قالالىق ورتالىعىنىڭ باسشىسى جاننات ءدۇبىروۆا.
iKOMEK109-عا كەلىپ تۇسەتىن وتىنىشتەر سانىنىڭ ءوسۋى تۇرعىنداردىڭ ەلوردا دامۋىنا بەلسەنە اتسالىساتىنىن بىلدىرەدى. ءاربىر قالا تۇرعىنى iKOMEK-كە جۇگىنسە, كەرى بايلانىس الاتىنىن بىلەدى. باستىسى شەت قالماۋ كەرەك: سۋرەتكە ءتۇسىرىپ, مەكەنجايدى كورسەتە وتىرىپ, پروبلەمانى جەتكىزسە بولدى. وتىنىشتەردى اتقارۋ ناتيجەسىندە ءاربىر پروبلەما بويىنشا بايلانىس ورناتىلادى جانە ءتۇرلى فورمادا جاۋاپ (قايتا قوڭىراۋ شالۋ, الەۋمەتتىك جەلىلەردەگى جەكە پاراقشاعا بەينەسەپ جولداۋ جانە ت.ب.) بەرىلەدى.
سونىمەن قاتار بايلانىس ورتالىقتارى سالاسىنداعى حالىقارالىق ساراپشىلار ءۇشىنشى جىل قاتارىنان iKOMEK109 قالالىق ورتالىعىن تمد-داعى ۇزدىكتەردىڭ ۇزدىگى دەپ مويىنداپ وتىر. 2019 جىلى «iKOMEK» ورتالىعى «بايلانىس ورتالىعىن قۇرۋدىڭ/بىرىكتىرۋدىڭ ۇزدىك جوباسى» اتالىمىندا بايلانىس ورتالىقتارى يندۋسترياسىنىڭ «وسكارىن» يەلەندى. 2020 جىلى «كليەنتتەردى تالداۋدىڭ, زەرتتەۋ مەن ءتۇسىنۋدىڭ ۇزدىك تاجىريبەسى» اتالىمىندا جەڭىپ الدى. بيىل iKOMEK بايلانىس ورتالىقتارى مەن كليەنتتەرگە قىزمەت كورسەتۋ سالاسىنداعى ۇزدىك «حرۋستال گارنيتۋراسى» حالىقارالىق بايقاۋىندا «تسيفرلىق جاڭعىرتۋ مەن ترانسفورماتسيالاۋدىڭ ۇزدىك باعدارلاماسى» اتالىمى بويىنشا ماراپاتقا يە بولدى. بۇل بايقاۋدان ماراپات الۋ iKOMEK ورتالىعىنىڭ داستۇرىنە اينالدى.
ەستەرىڭىزگە سالا كەتەيىك, iKOMEK109 بىرىڭعاي بايلانىس ورتالىعىنا 109 قىسقا ءنومىرى (قالالىق جانە ءموبيلدى تەلەفوندار ءۇشىن تەگىن) ارقىلى, سونداي-اق بالاما تاسىلدەرمەن جۇگىنۋگە بولادى:
- اكىمدىكتىڭ رەسمي سايتى astana.gov.kz;
- iKOMEK109 ءموبيلدى قوسىمشاسى (PlayMarket/AppStore);
- Telegram چات-بوتى (t.me/nursultanikomek109_bot);
- Smart Astana ءموبيلدى قوسىمشاسى (PlayMarket/AppStore);
- 109@ikomekastana.kz ەلەكتروندىق پوشتاسى.
