جقكو-نىڭ باستى ماقساتى – مەملەكەتتىك جاستار ساياساتىن جۇزەگە اسىرۋ, جاستاردى قولداۋعا باعىتتالعان مەملەكەتتىك باعدارلامالار جانە جاستار اراسىنداعى وزەكتى ماسەلەلەر بولىپ سانالاتىن جۇمىسسىزدىق, تۇرعىن ءۇي, ءبىلىم, دەنساۋلىق جانە تاعى باسقا باعىتتار بويىنشا كونسۋلتاتيۆتىك كومەك كورسەتۋ.
«ەلوردا اكىمى قالامىزدا جاستار كوپ شوعىرلاناتىن تۇستا جاستارعا قىزمەت كورسەتۋ ورتالىقتارى اشىلۋ كەرەك دەگەن بولاتىن. وسى سەبەپپەن بۇگىن جاستارعا ارنالعان ورتالىقتى سارىارقا اۋدانى اكىمدىگىمەن بىرلەسە وتىرىپ, العاش رەت اشىپ وتىرمىز. بۇل ورتالىقتا قىزمەتتىڭ بىرنەشە ءتۇرى بار. ماسەلەن, وتباسى بانكى ءوزىنىڭ جۇمىستارى جونىندە جاستارعا ءتۇسىندىرىپ بەرەدى. سونداي-اق جۇمىسپەن قامتۋ ورتالىعىنىڭ قىزمەتكەرلەرى جاستاردى قولداۋعا دايىن. تاعى سول سياقتى «استانا جاستارى» قىزمەتكەرلەرى بەلسەندى جۇمىس ىستەيتىن بولادى. بۇل ورتالىقتى اشۋدىڭ باستى ماقساتى — جاستارعا قولداۋ كورسەتۋ», دەدى نۇر-سۇلتان قالاسى جاستار ساياساتى ماسەلەلەرى باسقارماسىنىڭ باسشىسى قايرات قامباروۆ.
ايتا كەتۋ كەرەك, جاستارعا قىزمەت كورسەتۋ ورتالىعى تەمىرجول ۆوكزالىنا قاراما-قارسى ورنالاسقان. جۇمىس ۋاقىتى دۇيسەنبىدەن جۇماعا دەيىن 09:00-18.00 ارالىعىندا جۇرگىزىلەدى.
