الماتى وبلىستىق سانيتاريالىق-ەپيدەميالىق باقىلاۋ دەپارتامەنتىندەگى ءباسپاسوز قىزمەتىنىڭ وكىلى ءاليا شاعياحمەت: «وڭىردەگى دەمالىس كەشەندەرىنىڭ باسىم بولىگى الاكول, بالقاش كولدەرى مەن قاپشاعاي سۋقويمالارىندا ورنالاسقان. وبلىستىق سانيتارلىق-ەپيدەميالىق باقىلاۋ دەپارتامەنتىنىڭ ماماندارى سۋ ايدىندارى مەن توپىراقتاردان العان زەرتحانالىق سىنامالار بارلىق سانيتاريا تالاپتارىنا ساي بولىپ شىقتى. سونداي-اق كاسىپكەرلەرگە قالىپتاسقان سانيتارلىق تالاپتاردى ساقتاۋدان بولەك «اشىق» قوسىمشاسى ارقىلى جۇمىس ىستەۋ ۇسىنىلىپ وتىر. بۇل ايماقتاعى ەپيدەميالوگيالىق احۋالدىڭ تۇراقتانۋىنا جانە دەمالىس ورىندارىنىڭ تۋريستەردىڭ دەنساۋلىعىن قاداعالاپ وتىرۋعا مۇمكىندىك بەرەدى», دەپ ايتتى.
سونداي-اق ول الداعى ۋاقىتتا «اشىق» قوسىمشاسىنا جۇكتەپ جاتسا وزدەرىنە جاقسى بولاتىنىن جەتكىزدى.
«قوسىمشا ارقىلى كەلۋشىنىڭ ستاتۋسىن بىلە الادى. مىسالى, قىزىل ستاتۋستى ادام كەلىپ جاتسا, ول عيماراتقا كىرگىزىلمەيدى», دەپ ءتۇسىندىردى.
