توناۋ تۋرالى ارىزدى پوليتسياعا قىزدىڭ اكەسى تۇسىرگەن. ونىڭ ايتۋىنشا, كەنەسارى كوشەسىندەگى اۆتوبۋس ايالداماسىندا بەلگىسىز ەر ادام سەگىز جاستاعى قىزىنىڭ قولىنان تەلەفونىن ج ۇلىپ الىپ قاشىپ كەتكەن.
«قىلمىس تۋرالى حابار العان جەدەل باسقارۋ ورتالىعىنىڭ قىزمەتكەرى دەرەۋ پاترۋلدىك پوليتسيا ەكيپاجىن جىبەردى. وقيعا ورنىنا بىرنەشە مينۋت ىشىندە جەتكەن پوليتسەيلەر جەدەل-ىزدەستىرۋ شارالارىن وتكىزۋ كەزىندە كۇدىكتىنىڭ ىزىنە ءتۇسىپ, ۇرلانعان تەلەفوندى ساتۋعا تىرىسقان ەر ادامدى دۇكەندە ۇستادى», دەدى پوليتسيا وكىلى.
34 جاستاعى قاراقشى ۇستالىپ, اۋماقتىق پوليتسيا باسقارماسىنا جەتكىزىلگەن. ەر ادام كىناسىن تولىقتاي مويىندادى. تەلەفون قىزدىڭ اكەسىنە قايتارىلدى.
پوليتسيا «توناۋ» بابى بويىنشا قىلمىستىق ءىس قوزعاپ, ونىڭ بۇرىن جاسالعان ۇقساس قىلمىستارعا قاتىسى بار-جوعىن انىقتاپ جاتىر.
