«قازاقستان رەسپۋبليكاسىندا ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018-2022 جىلدارعا ارنالعان مەملەكەتتىك باعدارلامانىڭ» تالاپتارىن ىسكە اسىرۋ اياسىندا ەلوردالىق ءدىنتانۋ ورتالىعى مەملەكەتتىك-كونفەسسيالىق ساياساتتى تۇسىندىرۋگە, سونداي-اق حالىقتىڭ قۇقىقتىق جانە ءدىني ساۋاتتىلىعىن ارتتىرۋعا باعىتتالعان اقپاراتتىق-ءتۇسىندىرۋ جۇمىسىن جۇرگىزەدى.
وتكەن اپتادا عانا ءدىن ماسەلەلەرى جونىندەگى اقپاراتتىق-ءتۇسىندىرۋ توبى ەلوردانىڭ 500-دەن استام تۇرعىنىمەن 27 كەزدەسۋ وتكىزدى. كەزدەسۋلەر قۇقىق قورعاۋ ورگاندارىنىڭ قىزمەتكەرلەرى, ءورت ءسوندىرۋ بولىمدەرى, پيك قىزمەتكەرلەرى, سونداي-اق قالا كوللەدجدەرىنىڭ ستۋدەنتتەرى ءۇشىن ۇيىمداستىرىلدى.
سونىمەن ءدارىس بارىسىندا «دەسترۋكتيۆتى ءدىني ۇيىمداردىڭ ريتوريكاسى», ء«داستۇرلى جانە ءداستۇرلى ەمەس ءدىني اعىمدار», «ينتەرنەتتە دەسترۋكتيۆتى ءدىني ۇيىمداردىڭ تارتۋ ادىستەرى» سەكىلدى وزگە دە وزەكتى تاقىرىپتار ءتۇسىندىرىلدى.
كەزدەسۋ سوڭىندا دەسترۋكتيۆتى ءدىني اعىمداردىڭ ءمانىن ءتۇسىندىرۋ, قازاقستان رەسپۋبليكاسىنىڭ زايىرلىلىق تەرمينىن انىقتاۋ, «iKomek-109» جەدەل جەلىسى, قر اۋماعىندا تىيىم سالىنعان تەرروريستىك جانە ەكسترەميستىك ۇيىمداردىڭ ءتىزىمى تۋرالى, نۇر-سۇلتان قالاسىنداعى كونفەسسيالىق پاليترا تۋرالى اقپارات, سونداي-اق قر نورماتيۆتىك-قۇقىقتىق بازاسى تالقىلاندى.
ءدارىس بارىسىندا تىڭداۋشىلار وزدەرىن قىزىقتىرعان سۇراقتارىن قويىپ, بىلىكتى مامانداردىڭ جاۋابىن تىڭدادى.
