بوستاندىق اۋدانىنىڭ اكىمدىگى بۇل اقپاراتتى راستادى.
اپاتتى ءۇي 1956 جىلى سالىنعان.
«توبەسى وپىرىلىپ تۇسكەن پاتەردە 6 ادام تۇرادى, ونىڭ ەكەۋى بالا. وقيعا كەزىندە بالالار بولماعان. ءبىرىنشى كىرەبەرىستە 4 پاتەر جانە 2 كەڭسە, ەكىنشى كىرەبەرىستە كەڭسە جانە 4 پاتەر ورنالاسقان. اپاتتى ءۇيدىڭ توبەسى قۇلاعان سوڭ, اۋداندىق اكىمدىك №5 پاتەردە ءتۇراتىن 4 ادامدى «اتاكەنت» قوناق ۇيىنە ورنالاستىردى. ال №4, 6 پاتەر بوس», دەپ حابارلادى اۋدان اكىمدىگىنەن.
بۇگىن قالا قۇرىلىسىن باقىلاۋ باسقارماسى ءۇيدىڭ توبەسى مەن شاتىرىنىڭ تەحنيكالىق جاعدايىن انىقتاۋعا كىرىستى. قۇرىلىس جانە قالپىنا كەلتىرۋ جۇمىستارىن جۇرگىزۋ ءۇشىن ليتسەنزياسى بار ۇيىمنىڭ ماماندارىن تارتا وتىرىپ قۇلاعان توبەگە ساراپتاما جۇرگىزىپ جاتىر.
