قوستاناي وبلىسىنان شىعىپ قالعان قازاقستان رەسپۋبليكاسى پارلامەنتىنىڭ سەناتى دەپۋتاتىنىڭ ورنىنا سايلاۋ قورىتىندىلارى تۋرالى حابار

2010 جىلعى 23 ساۋىردە قوستاناي وبلىسىنان قازاقستان رەسپۋبليكاسى پارلامەنتى سەناتىنىڭ شىعىپ قالعان دەپۋتاتىنىڭ ورنىنا سايلاۋ بولدى. 2 كانديدات داۋىسقا ءتۇستى. 300 تاڭداۋشىدان داۋىس بەرۋگە 287 نەمەسە تاڭداۋشىلاردىڭ جالپى سانىنان 95,67 پايىزى داۋىس بەرۋگە قاتىستى. بەرىلگەن سايلاۋ بيۋللەتەندەرىنىڭ جالپى سانىنان ءبىر سايلاۋ بيۋللەتەنى جارامسىز دەپ تانىلدى. قوستاناي وبلىسىنان شىعىپ قالعاننىڭ ورنىنا قازاقستان رەسپۋبليكاسى پارلامەنتى سەناتىنىڭ دەپۋتاتىن سايلاۋ بويىنشا داۋىستاردى ساناۋدىڭ مىناداي ناتيجەلەرى بەلگىلەندى: مۇراتوۆ اسقار ارون ۇلىنا 21 داۋىس نەمەسە داۋىس بەرۋگە قاتىسقان تاڭداۋشىلاردىڭ داۋىستارىنىڭ 7,3 پايىزى; نۇرعاليەۆ جەڭىس ميراس ۇلىنا 265 داۋىس نەمەسە داۋىس بەرۋگە قاتىسقان تاڭداۋشىلاردىڭ داۋىستارىنىڭ 92,7 پايىزى. قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ 1962 جىلى تۋعان, قازاق, قوستاناي قالاسىندا تۇراتىن, قوستاناي وبلىسى اكىمىنىڭ ورىنباسارى نۇرعاليەۆ جەڭىس ميراس ۇلى سايلاندى. قازاقستان رەسپۋبليكاسى ورتالىق سايلاۋ كوميسسياسى.