قازاقستان • 31 مامىر، 2021

ازاماتتاردىڭ وتىنىشتەرى – نۇروتاندىقتار باقىلاۋىندا

30 رەت كورسەتىلدى

Nur Otan پارتياسى وسى ساياسي ۇيىم توراعاسى، ەلباسى نۇرسۇلتان نازارباەۆتىڭ حالىقپەن ءوزارا ءىس-ارەكەت جاساۋدىڭ پرواكتيۆتى فورماتىنا كوشۋ جونىندەگى تاپسىرماسىن جانە پرەزيدەنت قاسىم-جومارت توقاەۆ ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ شەڭبەرىندە قازاقستاندىقتاردىڭ ءتۇيىندى ماسەلەلەرىنە بەلسەندى دەن قويۋدى جالعاستىرۋ ۇستىندە.

ماسەلەن، الماتى وبلىسىندا پارتيالىق باقىلاۋ وڭىرلىك كوميسسياسى پانفيلوۆ اۋدانىنا قاراستى سۇپتاي اۋىلى تۇرعىندارىنىڭ شاعىمى بويىنشا تەكسەرۋ جۇرگىزگەن. وندا 200-گە جۋىق وقۋشى اپاتتى جاعدايدا تۇرعان بۇرىنعى بالاباقشا عيماراتىندا وقۋعا ءماجبۇر. تەكسەرۋ بارىسىندا جەرگىلىكتى مەكتەپ عيماراتى 1998 جىلى جىلۋ جۇيەسىنىڭ جوقتىعىنان جابىلىپ، 2011 جىلى پايدالانۋعا جارامسىز دەپ تانىلعانى انىقتالدى. نۇروتاندىقتار وبلىستىق ءبىلىم باسقارماسىنا وسى جىلدىڭ سوڭىنا دەيىن جوبالىق-سمەتالىق قۇجاتتامانى ازىرلەۋدى جانە 2022 جىلدىڭ سوڭىنا دەيىن جاڭا مەكتەپ قۇرىلىسىن اياقتاۋعا قاجەتتى قاراجاتتى قاراستىرۋدى ۇسىندى. بۇل ماسەلە پارتيانىڭ وبلىستىق فيليالىنىڭ ەرەكشە باقىلاۋىنا الىنعان.

ەلورداداعى تۇرعىن ءۇي كەشەندەرىنىڭ بىرىندە پاتەر يەلەرى قونىس تويىن تويلاي الماي وتىر. ويتكەنى قۇرىلىس سالۋشى الەۋمەتتىك ءالجۋاز وتباسىلارعا اكىمدىكتەن «نۇرلى جەر» باعدارلاماسى بويىنشا بەرىلگەن پاتەرلەرگە تۇرعىنداردى كىرگىزبەي قويعان. وسى كەلەڭسىز جاعدايعا Nur Otan پارتياسىنىڭ استانالىق فيليالى جەدەل نازار اۋداردى. پارتيالىق باقىلاۋ كوميسسياسى قالالىق قۇرىلىس باسقارماسىنا ماسەلەنى قىسقا مەرزىمدە شەشۋدى ۇسىندى. بۇل رەتتە ازاماتتاردىڭ وتىنىشتەرىنە ۋاقتىلى جاۋاپ بەرمەگەنى ءۇشىن پارتيا مۇشەسى، قۇرىلىس باسقارماسىنىڭ باسشىسى ارسەن جانعاسقانوۆ «ەسكەرتۋ» تۇرىندەگى پارتيالىق جاۋاپكەرشىلىككە تارتىلدى.

سەمەي قالاسىندا قۇرىلىس سالۋشى مەن تۇرعىن ءۇي الاپتارىنىڭ ءبىرىنىڭ تۇرعىندارى اراسىنداعى جانجال رەتتەلدى. مۇندا سول ايماقتاعى جالعىز جول ۇستىنە ساۋدا ورتالىعىن سالۋ جوسپارلانعان بولىپ شىقتى. بۇل تۇرعىن­داردىڭ ءوز ۇيلەرىنە كىرىپ-شىعۋىن قيىنداتادى. ويتكەنى ولاردىڭ ۇيلەرى بارلىق جاعىنان تەمىر جولمەن قورشالعان. وسى ىسكە پارتيا ارالاسقاننان كەيىن، قۇرىلىس سالۋشىمەن جولدى جاپپاي، بۇرىنعى قالپىندا قالدىرۋ تۋرالى كەلىسىمگە قول جەتكىزىلدى. سالىنعان قورشاۋلار الىنىپ تاستالدى.

الماتى قالاسىندا المەرەك شاعىن اۋ­دا­نىنىڭ تۇرعىندارى جەرگىلىكتى كوممۋنالدىق قىزمەتتىڭ بۇرىن اسفالتتالعان جولدى ءبۇلدىرىپ، جاڭا سۋ قۇبىرىن سالعانىنا شاعىمدانعان. سونىڭ سالدارىنان قالا تۇرعىندارى سۋسىز، جولسىز قالعان. جۇرگىزىلگەن تەكسەرىس قورى­تىندىسى بويىنشا نۇروتاندىقتار 10 ماۋسىمعا دەيىن تۇرعىنداردى سۋمەن قامتاماسىز ەتۋدى جانە جولدى جوندەۋدى ۇسىندى. بۇل ماسەلە – پارتيانىڭ الماتى قالالىق فيليالىنىڭ باقىلاۋىندا.

جەرگىلىكتى اتقارۋشى ورگاندار شەنەۋنىك­تەرىنىڭ وسىنداي شالاعايلىقتارىنا شاعىنعان ازاماتتاردىڭ وتىنىشتەرىنە وراي نۇروتاندىقتار جىل باسىنان بەرى 2 مىڭنان استام رەيد ۇيىمداستىرعان.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار