دەنساۋلىقتى قورعاۋ, ءتۇرلى دەرتتەردىڭ الدىن الۋ ماقساتىندا جولعا شىققان №7 ەمحانا قىزمەتكەرلەرى, اتاپ ايتقاندا الدىن الۋ جانە پسيحوالەۋمەتتىك كومەك كورسەتۋ بولىمشەسىنىڭ جاۋاپتى دارىگەرى اينۇر الشەروۆا, پەدياتر دارىگەر ۇلجالعاس ابديەۆا, ءسوس كابينەتىنىڭ مەدبيكەسى گۋلفايرۋس بورانقۇلوۆا جانە پسيحولوگ دانا ماملەەۆا ەمحاناعا تىركەلگەن ۇيلەرگە باردى. اق حالاتتى «قوناقتار» كوپبالالى جاندارمەن, جاڭادان وتاۋ قۇرعان جاستارمەن وزدەرىن مازالاعان ساۋالدار توڭىرەگىندە اڭگىمەلەسىپ, جاۋاپكەرشىلىكتىڭ ءرولىن ءتۇسىنۋ جونىندە اقپاراتتىق-تۇسىندىرمە جۇمىستارىن جۇرگىزدى.
«سالاماتتى وتباسى, بۇل – سالاماتتى ۇلت. ءبىز كوپتەگەن اۋرۋدىڭ الدىن الۋ ماقساتىندا ءىس-شارالاردى ۇنەمى ۇيىمداستىرامىز. مۇنداي قايىرىمدىلىق شاراسىن ەندى ءجيى وتكىزۋدى جوسپارلاپ وتىرمىز. ءبىزدىڭ مەكەمەنىڭ دارىگەرلەرىنە جانە مەيىربيكەلەرىنە العىسىمدى بىلدىرەمىن. سەبەبى وسىنداي ءىس-شارالارعا ايانباي ەڭبەك ەتىپ, تولىقتاي اتسالىسادى», دەيدى پروفيلاكتيكا بولىمشەسىنىڭ جاۋاپتى دارىگەرى اينۇر مەيىربەكقىزى.
سونىمەن قاتار مەگاپوليستە «مەن – الماتىلىقپىن» قوعامدىق بىرلەستىگى مەن «قوعامدىق باقىلاۋ» توبى ەرەكشە بالالاردىڭ يممۋنيتەتىن قولداۋ اكتسياسىن دا وتكىزىپ جاتىر.
ادامداردىڭ 10%-ى عانا تۋعاننان باستاپ كۇشتى يممۋنيتەتكە يە ەكەندىگى بەلگىلى. قالعان ۋاقىتتا ونى كوتەرىپ, كۇشەيتۋ كەرەك. اللەرگيالىق اۋرۋلاردىڭ ءوسۋ ستاتيستيكاسى جىل سايىن 10-20% قۇرايدى. وكىنىشكە قاراي, الماتىدا بۇل كورسەتكىش جىل سايىن ءوسىپ كەلەدى. بارلىق اللەرگيالىق اۋرۋلار بالالىق شاقتا پايدا بولعاندىقتان, اۋرۋدىڭ ودان ءارى ءوسۋىن بولجاۋعا بولادى. سوندىقتان اللەرگيالىق رەسپيراتورلىق اۋرۋلارمەن اۋىراتىن بالالاردى باقىلاۋ جانە ەمدەۋ قازىرگى ۋاقىتتا وتە وزەكتى. ادەتتە, اللەرگيا ءالسىز يممۋنيتەتتەن تۋادى, ناتيجەسىندە ورگانيزم قوزدىرعىش اللەرگەندەرگە قاتتى اسەر ەتەدى. يممۋنيتەتتىڭ تومەندەۋى ءتۇرلى فاكتورعا بايلانىستى. ونىڭ نەگىزگى سەبەبى, قولايسىز ەكولوگيالىق جاعدايلار مەن زياندى تاماقتانۋ, ساپاسىز ونىمدەردەن پايدا بولادى. كوكتەم مەن جاز ايلارىندا يممۋندىق جۇيەنىڭ توزاڭ, تەرەك ۇلپەكتەرى, جاندىكتەر, ميكروورگانيزمدەر باسقا دا زاتتارعا رەاكتيۆتىلىگى ءاردايىم ارتادى, بۇل كوبىنەسە برونح دەمىكپەسىنە اكەلەدى.
بۇل جولى ەرىكتىلەر بالالارعا تىنىس الۋ جۇيەسى اۋرۋلارىمەن كۇرەسۋگە جانە يممۋنيتەتتى جاقسارتۋعا كومەكتەسۋ ماقساتىندا الماتى قالاسى مەن الماتى وبلىسىنداعى بالالار اۋرۋحانالارىنا باردى. بالالارعا تانىمال برەندتەردىڭ ءبىرى, سۋىق تيۋ مەن اللەرگيالىق اۋرۋلاردىڭ كورىنىستەرىن جەڭۋگە عانا ەمەس, سونىمەن قاتار ەڭ الدىمەن, ونىڭ پايدا بولۋىنا جول بەرمەيتىن ونىمدەر بەرىلەدى. ەرىكتىلەردىڭ كومەگىمەن №2 قالالىق بالالار كلينيكالىق اۋرۋحاناسىنا, «اقساي» رەسپۋبليكالىق بالالار كلينيكالىق اۋرۋحاناسىنا, الماتى وبلىستىق بالالار كلينيكالىق اۋرۋحاناسىنا (گرەس), قاسكەلەڭ قالاسىنداعى بالالار جۇقپالى اۋرۋلار اۋرۋحاناسىنا بالالار دەنساۋلىعىنا پايدالى جيىنتىقتار جەتكىزىلدى. ياعني ميكروەلەمەنتتەرگە باي ەرىتىندى دايىنداۋعا ارنالعان «لەيكا» جانە ادرياتيكالىق تەڭىزىنىڭ تۇزى بار 30 قاپشىقتان تۇراتىن جيىنتىق بەرىلدى. كۇندەلىكتى پروفيلاكتيكالىق پروتسەدۋرالارمەن پاكەتتەردىڭ ۇسىنىلعان سانى ءبىر ايعا جەتەدى.
