قازىرگى تاڭدا ەلىمىزدە شومىلۋعا رۇقسات بەرىلگەن 469 ورىن بار, ونىڭ ىشىندە 118 كوممۋنالدىق جانە 275 جەكە جاعاجاي بەلگىلەنگەن. شومىلۋ ماۋسىمى 1 ماۋسىمدا رەسمي باستالادى.
«قازاقستاندا 50 مىڭنان استام سۋ ايدىنى بار, تجم قۇتقارۋ بولىمشەلەرى ادام كوپ جينالاتىن سۋ ايدىندارىنىڭ 125 ۋچاسكەسىن باقىلايدى, وندا كۇن سايىن 493 قۇتقارۋشى كۇندەلىكتى قىزمەت اتقارادى.بيىل سۋ اكۆاتوريالارىن قامتۋدى ۇلعايتۋ جانە ازاماتتاردىڭ قاۋىپسىزدىگىن قامتاماسىز ەتۋ ءۇشىن قاۋىپتى جانە كۇزەتىلمەيتىن سۋ ايدىندارىندا قوسىمشا 48 كوشپەلى قۇتقارۋ بەكەتى قويىلادى», دەدى باۋىرجان سىزدىقوۆ.
اكىمدىكتەر جانە سۋ ماڭىنداعى دەمالىس ورىندارىنىڭ يەلەرى بىرلەسىپ, تجم جەدەل-قۇتقارۋ جاساقتارىندا دايارلىقتان وتكەن 250 قۇتقارۋشىنى تارتا وتىرىپ, 108 نىساندىق قۇتقارۋ بەكەتىن قۇردى. سۋدا زارداپ شەككەندەرگە العاشقى مەديتسينالىق كومەك كورسەتۋ ءۇشىن وڭىرلەردە 97 مەديتسينالىق پۋنكت دايىندالدى.
«قالالىق جاعاجايلاردا سۋعا تۇسۋگە ارنالعان قاۋىپسىز بالالار جاعاجايى جابدىقتالاتىن ورىن اشىلادى, ول جەردە ءبىزدىڭ قۇتقارۋشىلار بالالاردى جۇزۋگە ۇيرەتەدى. سۋ ايدىندارىندا قايعىلى وقيعالاردىڭ الدىن الۋ ءۇشىن 2,5 مىڭنان استام ەسكەرتۋ بەلگىسى ورناتىلعان, حالىق اراسىندا 70 مىڭنان استام ۇگىت-ناسيحات تاراتىلعان. ەلىمىزدىڭ بارلىق وڭىرلەرىندەگى شومىلۋعا تىيىم سالىنعان جانە رۇقسات ەتىلگەن ورىنداردى 2GIS كارتوگرافيالىق پلاتفورماسىنا ورنالاستىرۋ ءۇشىن اۆياتسيالىق جانە تەمىرجول كولىگىنىڭ مۇمكىندىكتەرىن پايدالانۋ ماسەلەلەرى پىسىقتالۋدا», دەيدى ب. سىزدىقوۆ.
