ەلىمىزدە مۇنداي ەمدەۋ مەكەمەسىنىڭ انالوگى ازىرگە جوق. ونىڭ ەرەكشەلىگى – راديوفارمپرەپارات نەگىزىندە ونكولوگيالىق اۋرۋلاردى ەرتە انىقتاۋعا مۇمكىندىك بەرەدى. راديولوگيالىق نىساندى سالۋ بارىسىندا تەحنيكالىق تالاپتار بۇزىلىپ, سالدارىنان داۋلى سوت پروتسەسستەرى وتكەن بولاتىن. الايدا, وبلىس باسشىلىعىنىڭ دەر كەزىندە قابىلداعان وڭ شەشىمىنىڭ ناتيجەسىندە بارلىق ولقىلىق جويىلىپ, نىسان كەزەڭ-كەزەڭمەن پايدالانۋعا بەرىلىپ جاتىر.
يادرولىق مەديتسينا ورتالىعى 3 كەزەڭمەن قولدانىسقا بەرىلمەك. العاشىندا راديونۋكليدتىك-دياگنوستيكالىق ءبولىم اشىلدى. بۇل قاۋىپتى ىندەتتى ەرتە باستان ەمدەۋگە جول اشادى.
«اپپارات ارقىلى ءبىز بارلىق ورگاننىڭ جۇمىسىن باقىلاي الامىز. سونداي-اق ەندى پايدا بولعان ىسىكتى ەرتە باستان انىقتاۋعا مۇمكىندىك بار. قاڭقانىڭ قۇرىلىمىن زەرتتەي الامىز. ناتيجەسى وتە جاقسى. وعان الدەن-اق كوزىمىز جەتىپ وتىر», دەدى راديونۋكليدتىك دياگنوستيكا دارىگەر بەرىك كارىباەۆ.
