وقيعا • 27 مامىر، 2021

جايىلىمنان جىلقى ۇرلاعان ايەل ۇستالدى

816 رەت كورسەتىلدى

تۇركىستان وبلىسىندا پوليتسەيلەر جىلقى ۇرلاعان ايەلدى ۇستادى، دەپ حابارلايدى Egemen.kz Polisia.kz سايتىنا سىلتەمە جاساپ.

تۇلكىباس اپب-عا جەرگىلىكتى تۇرعىن جايىلىمدا جۇرگەن قۇنى 800 مىڭ تەڭگە بولاتىن بيەسىن بەلگىسىز بىرەۋلەردىڭ ۇرلاپ كەتكەنىن حابارلاعان. اتالعان جايتتى پوليتسيا قىزمەتكەرلەرى قر قك-ءنىڭ 188-بابى (ۇرلىق) بويىنشا سدتتبت-عا تىركەدى.

مال ۇرلىعىن اشۋ ماقساتىندا تۇلكىباس اپب-نىڭ اسا تاجىريبەلى پوليتسەيلەرى قاتارىنان جەدەل-تەرگەۋ توبى قۇرىلدى. ولار ۋچاسكەلىك ينسپەكتورلارمەن بىرگە جاقىن ماڭداعى بارلىق جايىلىمدار مەن شارۋاشىلىق اۋلالاردى ارالاپ، كۋاگەرلەردەن سۇراستىرىپ، ءۇي مالىن تاسىمالدايتىن اۆتوكولىكتەردى مۇقيات تەكسەرىپ، بارىمتاشىلاردى ىزدەستىرۋ جانە ۇستاۋ بويىنشا باسقا دا ءىس-شارالاردى جۇزەگە اسىردى.

جەدەل-ىزدەستىرۋ ءىس-شارالارىنىڭ ناتيجەسىندە تۇلكىباس اپب پوليتسيا قىزمەتكەرلەرى ورتا جاستاعى كۇدىكتى ايەلدى انىقتاپ بولىمشەگە جەتكىزدى. كۇدىكتى مال ۇرلىعىن پايداكۇنەمدىك ماقساتتا جاساعانىن مويىندادى.

بەلگىلى بولعانداي كۇدىكتى ايەل جايىلىمدا جالعىز جۇرگەن جىلقىنى ۇرلاپ، قىلمىس ورنىنان قاشىپ كەتكەن. سودان كەيىن ول ۇرلانعان مالدى 350 مىڭ تەڭگەگە ساتىپ، اقشانى قاجەتىنە جۇمساعان. ۇرلانعان جىلقىنى ءتارتىپ ساقشىلارى تاركىلەپ الىپ، زاڭدى يەسىنە قايتاردى.

قازىرگى ۋاقىتتا بوتەننىڭ مۇلكىن ۇرلاۋ بابى بويىنشا سوتقا دەيىنگى تەرگەۋ جۇرگىزىلۋدە. پوليتسەيلەر وقيعانىڭ ءمان-جايىن جانە مال ۇرلىعىنىڭ باسقا دا ۇقساس قىلمىستارعا قاتىسى بارىن انىقتاپ جاتىر.

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار