جابىرلەنۋشىنىڭ ايتۋىنشا, دەمالىس كۇندەرىنەن كەيىن جۇمىسقا شىققان ول كەڭسەسىنەن باعاسى 150 مىڭ تەڭگە بولعان نوۋتبۋك جوعالىپ كەتكەنىن بايقاعان. تەرگەۋ بارىسىندا پوليتسەيلەر ۇرلىققا وزگەنىڭ كولىگىن ايداپ اكەتكەن 31 جاستاعى مەكەمەنىڭ كۇزەتشىسى ەكەنىن انىقتادى.
كۇزەتشى دەمالىس كۇنى ءسپيرتتى ىشىمدىك ءىشىپ ماس بولعان. سول كۇنى كۇدىكتى عيمارات ىشىنە كىرىپ نوۋتبۋك ۇرلاپ, ونى بەلگىسىز بىرەۋگە ساتىپ جىبەرگەن. جەدەل-ىزدەۋ شارالارى بارىسىندا ۇستالعان كۇزەتشى ءوز كىناسىن مويىندادى.
بۇگىندە سوتقا دەيىنگى تەرگەۋ امالدارى جۇرگىزىلىپ, وزگە قىلمىستارعا قاتىسى بار-جوعى تەكسەرىلىپ جاتىر.
نۇر-سۇلتان قالاسىنىڭ پوليتسيا دەپارتامەنتى تانىمايتىن ادامدارعا سەنبەۋگە, شاعىن جانە ورتا بيزنەس نىساندارىن بەينەباقىلاۋمەن جابدىقتاۋعا كەڭەس بەرەدى.
