پوليتسياعا باعدارشامدى سىندىرعان ءجاسوسپىرىم تۋرالى كۋاگەرلەر حابار بەرگەن. وقيعا قاراساي باتىر كوشەسىندەگى «زاباۆا» دۇكەنى ماڭىندا بولعان.
باعدارشامعا «شابۋىلداۋ» ءساتى جەدەل باسقارۋ ورتالىعىنىڭ بەينەباقىلاۋ كامەرالارىنا ءتۇسىپ قالعان. مەكتەپ وقۋشىسى كوپ ۇزاماي ۇستالدى.
«كامەلەتكە تولماعان بالا سارىارقا اۋدانى پب-عا جەتكىزىلدى, وندا ءجاسوسپىرىمنىڭ اتا-اناسى دا شاقىرىلدى. زاڭدى وكىلگە قاتىستى اڭگىمە جۇرگىزىلگەننەن كەيىن اقبتك-ءنىڭ 435-بابى بويىنشا اكىمشىلىك ءىس قوزعالدى. ماتەريال شەشىم قابىلداۋ ءۇشىن نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنا جولداندى.
ەلوردالىق پوليتسيا دەپارتامەنتى بۇزاقىلىق ارەكەتتەر مەن م ۇلىككە زيان كەلتىرگەنى ءۇشىن جاۋاپكەرشىلىك بارىن ەسكە سالادى», دەدى پوليتسيا وكىلى.
