الماتى اكىمدىگىنىڭ قاۋلىسى «اشىق نقا» پورتالىندا جاريالاندى.
«قاۋلىعا سايكەس, الماتى قالاسى مادەنيەت باسقارماسىنىڭ «الماتى حايۋاناتتار باعى» كوممۋنالدىق مەملەكەتتىك قازىنالىق كاسىپورنى جەرگىلىكتى ماڭىزى بار ەرەكشە قورعالاتىن تابيعي اۋماقتاردا كورسەتەتىن قىزمەتتەرى ءۇشىن تاريفتەر مولشەرى بەكىتىلسىن», دەلىنگەن قۇجاتتا.
قازىرگى تاڭدا ەرەسەك كەلۋشىلەرگە ارنالعان بيلەت قۇنى 800 تەڭگە. ال 7 مەن 12 جاس ارالىعىنداعى بالالارعا ارنالعان باعا وزگەرىسسىز قالادى - 300 تەڭگە.
الماتى قالاسى مادەنيەت باسقارماسىنىڭ «الماتى حايۋاناتتار باعى» كوممۋنالدىق مەملەكەتتىك قازىنالىق كاسىپورنى ءتيىستى قۇجاتتاردى ۇسىنعان جاعدايدا تومەنگى تۇلعالارعا قىزمەتتى تەگىن ۇسىنادى:
- ۇلى وتان سوعىسى قاتىسۋشىلارى مەن مۇگەدەكتەرىنە;
- مۇگەدەكتەرگە;
- دەنساۋلىق جاعدايى بويىنشا مۇگەدەكتى ەرتىپ جۇرەتىن ادامعا;
- زەينەتكەرلەرگە;
-«التىن القا», «كۇمىس القا» يەگەرى بولىپ تابىلاتىن نەمەسە «باتىر انا» اتاعىن العان, I جانە II دارەجەلى «انا داڭقى» وردەنىمەن ماراپاتتالعان انالارعا;
- جەتى جاسقا دەيىنگى بالالارعا;
- جەتىم بالالارعا جانە اتا-انا قامقورىنسىز قالعان ون سەگىز جاسقا تولماعان بالالارعا;
- مەرزىمدى قىزمەتتەگى اسكەري قىزمەتكەرلەرگە.
