ەكولوگيا • 26 مامىر، 2021

ەكولوگيانى جاقسارتۋ – ەرەكشە نازاردا

76 رەت كورسەتىلدى

Nur Otan پارتياسىنىڭ جاڭا ەكولوگيالىق كەڭەسىنىڭ العاشقى ۇيىمداستىرۋ وتىرىسىندا سۋ رەسۋرستارىن ءتيىمدى پايدالانۋ، ورمان قورىن ۇلعايتۋ، شولەيتتەنۋ پروبلەماسىن شەشۋ جانە قورشاعان ورتانى قورعاۋ سالاسىنداعى وزەكتى ماسەلەلەر قارالدى.

«پارتيانىڭ سايلاۋالدى ۋا­دە­لەرىن ورىنداۋ اياسىندا 1 شىل­دەدە جاڭا ەكولوگيالىق كودەكس كۇشىنە ەنەدى. ەندى قورشاعان ورتاعا زياندى شىعارىندىلار ءۇشىن تولەنەتىن بارلىق اقشا­لاي ءتۇسىم تەك تابيعاتتى قورعاۋ ءىس-شارالارىنا جۇمسالادى. سون­داي-اق پارلامەنت «جانۋارلار­دى قورعاۋ تۋرالى» زاڭ جوبا­سىن جانە پوليگوننىڭ لاستان­عان جەرلەرىندە رادياتسيالىق قاۋىپسىزدىكتى قامتاماسىز ەتۋ ءۇشىن «سەمەي يادرولىق قاۋىپسىز­دىك ايماعى تۋرالى» زاڭ جوباسىن قاراۋدى جوسپارلاپ وتىر. وسى باعىتتا بەلسەندى جۇ­مىس ىستەۋىمىز قاجەت»،  دەدى كەڭەس توراعاسى، ءماجىلىس دەپۋتاتى ەلدوس اباقانوۆ.

ەكولوگيا، گەولوگيا جانە تا­بي­عي رەسۋرستار ءمينيسترى ماع­زۇم مىرزاعاليەۆ اقمولا وب­لى­سىنداعى قوپا، بۋراباي جانە شورتاندى، اقتوبە وبلى­سىن­داعى شالقار كولدەرىن تازارتۋ، سونداي-اق ارال تەڭىزىنىڭ سول­تۇس­تىك بولىگىن جانە جايىق وزەنىنىڭ سۋاعارىن قالپىنا كەلتىرۋ جوس­پارلارى تۋرالى ايتتى.

Nur Otan پارتياسىنىڭ سايلاۋالدى باعدارلاماسىندا 2025 جىلعا دەيىن 716 مىڭ گەكتاردان استام جەرگە 2 ملرد اعاش وتىرعىزۋ مىندەتى تۇر. بۇگىنگى تاڭ­دا بيىلعا جوس­پار­لانعان 130،2 ملن اعاشتىڭ 66،5 ملن-عا جۋىعى وتىرعىزىلدى. شولەيتتەنۋ پروبلەماسىن شەشۋ ءۇشىن 433،9 مىڭ گەكتار جەرگە سەكسەۋىل وتىرعىزىلادى»، دەدى مينيستر.

وتىرىس بارىسىندا كەڭەس توراعاسىنىڭ ورىنباسارى ەدىل جاڭبىرشين وڭىرلەردەگى ناق­تى ەكولوگيالىق پروبلەمالار­عا نازار اۋدارىپ، ولاردىڭ ءتىزى­لى­مىن قالىپتاستىرۋدى ۇسىن­دى.«ماسەلەن، سۋ رەسۋرستارىن ۇتىمدى پايدالانۋ ماسەلەسى بار، ونى وڭىرلەر بويىنشا ناقتى­لاۋ قاجەت. جاقىندا اقتوبە وبلىسىندا (مۇعالجار، تەمىر اۋدان­دارى) ەكوبەلسەندىلەر ويىل وزەنىنىڭ ساعاسىندا 33 زاڭسىز سالىنعان بوگەت، 3 توعان جانە 2 كوپىردى انىقتادى. مۇنداي جاع­دايلار باسقا وبلىستاردا دا بولۋى مۇمكىن»، دەدى ول.

وتىرىس قورىتىندىسى بو­يىنشا سالالىق مينيسترلىك­كە كەڭەسپەن بىرلەسىپ وڭىرلەر­دە ەكولوگيالىق ساياساتتى جۇزە­گە اسىرۋدىڭ ادىستەمەسىن ازىر­لەۋ جانە ونى ىسكە اسىرۋدىڭ تيىمدىلىگىنە باعالاۋ جۇرگىزۋ ۇسىنىلدى. پارتيالىقتاردى، پرو­كۋراتۋرا مەن پوليتسيا وكىلدەرىن مىندەتتى تۇردە قاتىس­تىرا وتىرىپ، حالىقتىڭ قورشاعان ورتاعا قاتىستى شاعىمدارىنا دەن قويۋ ءۇشىن ءموبيلدى توپتار قۇرۋ مۇمكىندىگىن قاراستىرعان ءجون.

Nur Otan-نىڭ ءباسپاسوز قىز­مەتىنىڭ مالىمەتىنشە، پارتيا­نىڭ ەكولوگيالىق ساياساتى اياسىندا قالالاردىڭ اۋاسىن جاقسارتۋ، سۋ رەسۋرستارىن ۇتىمدى پايدالانۋ، قالدىقتاردى قايتا وڭدەۋ بويىنشا جول كارتالارىن جۇزەگە اسىرۋ جالعاسادى. ماسەلەن، الداعى 5 جىلدا نۇر-سۇلتان، الماتى، شىمكەنت، اتىراۋ، تاراز جانە اقتوبە قالالارىندا قوقىستى قايتا وڭدەۋ ۇلەسىن 30 پايىزعا دەيىن جەتكىزە وتىرىپ، 6 قوقىس وڭدەۋ زاۋىتى ىسكە قوسىلادى. 2025 جىلعا دەيىن الماتى قالا­سىنداعى جەو-2-ءنى گازعا كوشى­رۋ جوسپارلانىپ وتىر.

پارتيانىڭ بارلىق سايلاۋ­الدى ۋادەلەرىنىڭ ورىندالۋىمەن nurotan.kz سايتى ارقىلى تولى­عىراق تانىسۋعا بولادى.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار