«وسى ۋاقىت ارالىعىندا ول كۋرەردەن كوتەرمە ساتۋشىسىنا دەيىن «قىلمىستىق باسپالداقپەن» كوتەرىلگەن. جۇكتىڭ ءبىرىن تاسىمالداۋ كەزىندە ەر ادام ۇستالدى. پاترۋلدىك قىزمەتكەرلەر تۇتقىنداۋ كەزىندە ۇستالۋشىدان 22 ورام كولەمىندە پسيحوتروپتىق زاتتاردى تاپتى جانە تاركىلەدى. سونىمەن قاتار وسىعان ۇقساس 13 وراما تابىلعان جانە تاركىلەنگەن ورىندى كورسەتتى. سوت-حيميالىق ساراپتامانىڭ قورىتىندىسىنا سايكەس, تاركىلەنگەن زات «مەفەدرون» پسيحوتروپتىق زاتى بولىپ تابىلادى. بۇل فاكت بويىنشا سوتقا دەيىنگى تەرگەۋ قر قك-ءنىڭ 297-بابىنىڭ 3-ءبولىمىنىڭ 3-تارماعىنا سايكەس تىركەلدى. وسى قىلمىستى جاساعانى ءۇشىن مۇلكىن تاركىلەۋمەن ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ تۇرىندە جازا قاراستىرىلعان. ۇستالعان ادام ۋاقىتشا ۇستاۋ يزولياتورىنا قامالدى», دەدى اۋەزوۆ اۋداندىق پوليتسيا باسقارماسىنىڭ باستىعى ۇلان ءابىلحايىر.
