ترياتلون ساياباعىندا بورتەگۇل باعى, ال ق.قۋانىشباەۆ اتىنداعى قازاق مۋزىكالىق-دراما تەاترى مەن «استانا بالەت» اۋماعىندا جاسىل باق پايدا بولادى.
ءا.مامبەتوۆ اتىنداعى كوشە جاز مەزگىلىندە جاياۋ جۇرگىنشىلەر ءۇشىن بۇرىنعىدان دا ىڭعايلى بولا تۇسەدى. مۇندا دەمالىس كۇندەرى اۆتوكولىكپەن جۇرۋگە تىيىم سالىنادى. سەبەبى جول بويىندا فەستيۆالدەر, جارمەڭكەلەر جانە وزگە دە شارالار وتەدى.
«بۇل مامبەتوۆ كوشەسىنە عانا قاتىستى ەمەس. جاقىپ وماروۆ كوشەسىنىڭ جارتىسى جاسالىنىپ بولدى. ول رەسپۋبليكا كوشەسىنەن, اۋەزوۆ كوشەسىنە دەيىن جاسالىپ, ول جەردە سۋبۇرقاقتارى ەنگىزىلەدى», دەيدى قالالىق ساۋلەت جەر باسقارماسىنىڭ قالا جوسپارلاۋ ءبولىمىنىڭ باسشىسى ءنۇرادىل عالىمجان.
بيىل ەلوردادا ميلليوننان استام جاسىل جەلەك وتىرعىزىلادى. قازىر قالادا ەكوايماقتار مەن «جاسىل ارالدار» بار. ماسەلەن, «استانا وپەرا» اۋماعىندا ەمەن جانە بورتەگۇل باقتارى پايدا بولدى.
