دارىگەرلەر زيانكەس جاندىكتەردەن زارداپ شەكەندەردەن تۋليارەميا اۋرۋى انىقتالماعانىن ايتادى. دەگەنمەن بەلگىلى مەرزىمگە دەيىن تۇرعىنداردىڭ دەنساۋلىعى باقىلاۋدا بولادى دەيدى. دەرت جۇقتىرۋ جاعدايى وبلىستا ەكى جىل بۇرىن بولعان. ال ءوڭىردىڭ العا, ايتەكە بي, ىرعىز, قوبدا جانە ويىل اۋداندارىندا تۋليارەميانىڭ تابيعي وشاقتارى بار. سوندىقتان ونداعى تۇرعىندار دەرتكە قارسى جوسپارلى تۇردە ەكپە الۋى ءتيىس. بيىل كەنەگە قارسى وڭىردە قانشا ادامنىڭ ناقتى ۆاكتسينا العانى وسى ايدىڭ سوڭىندا بەلگىلى بولماق. سانيتارلىق دارىگەرلەر كەنە شاققان جاعدايدا شۇعىل مەديتسينالىق كومەككە جۇگىنۋ كەرەكتىگىن ەسكەرتىپ وتىر.
– تابيعي وشاقتاردا ورنالاسقان اۋماقتارىندا تۇراتىن تۇرعىندار جەتى جاسىندا ۆاكتسيناتسيا الۋى كەرەك. سوسىن رەۆاكتسيناتسياعا بەس جىلدان كەيىن جاتادى. اۋدانداردا ءوزىنىڭ جوسپارعا سايكەس جاتاتىن ادام ۆاكتسيناسىن الىپ جاتىر. ول ءبىزدىڭ قاداعالاۋىمىزدا, - دەيدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءبولىم باسشىسى گاۋحار يگىلىكوۆا
