پوليتسەيلەر كولىكتەن شىعۋدى سۇراعان ۋاقىتتا, ولاردىڭ ءبىرى شاعىن پاكەتتىڭ ىشىندەگى اق ۇنتاقتى اۋزىنا توگىپ جىبەرۋگە تىرىسقان. بىراق بۇعان پوليتسەيلەر مۇمكىندىك بەرمەگەن. اق كريستالدى زاتتار سالىنعان پاكەتتەردەن بولەك, ەكى جاس جىگىتتەن تىركەلمەگەن تراۆماتيكالىق قارۋ تابىلدى. ولاردى تاسىمالداپ بارا جاتقان ەر ادام تاكسي جۇرگىزۋشىسى بولىپ شىقتى.
«كۇدىكتىلەرگە قاتىستى قر قك 296-بابىنا (قۇرامىندا ەسىرتكى بار پرەپاراتتاردى زاڭسىز قولدانۋ) سايكەس قىلمىستىق ءىس قوزعالدى. بىرنەشە ساراپتاما تاعايىندالدى. تاكسي جۇرگىزۋشىسى اۆتوكولىگىنە وتىرعانداردىڭ نە تاسىمالداپ جۇرگەنىن بىلمەگەن. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە», دەپ حابارلادى ۆەدومستۆودان.
