ۇكىمەت باسشىسى سالىنىپ بىتكەن «7يا» تۇرعىن ءۇي كەشەنىنىڭ ساپاسىن تەكسەرىپ, نۇر-سۇلتان, الماتى جانە شىمكەنت قالالارىندا مودۋلدىك ءۇي قۇرىلىسىن ودان ءارى كەڭەيتۋ جونىندەگى جوسپارلارمەن تانىستى. «7يا» تۇرعىن ءۇي كەشەنىنىڭ مودۋلدىك بلوكتارى نۇر-سۇلتان قالاسىنداعى ModeX زاۋىتىندا جاسالعان, ونىڭ اۆتوماتتاندىرىلعان كونۆەيەرلىك جەلىسى 2020 جىلعى جەلتوقساندا ۇكىمەت باسشىسىنىڭ قاتىسۋىمەن اشىلعان ەدى.
كاسىپورىندا اقش, سينگاپۋر جانە گەرمانيادا قولدانىلاتىن ءىرى بلوكتى ءۇي قۇرىلىسىنىڭ يننوۆاتسيالىق تەحنولوگيالارى ەنگىزىلگەن, ولار قۇرىلىس مەرزىمىن قىسقارتۋعا, ونىڭ ساپاسىن ارتتىرۋعا جانە تۇرعىن ءۇيدىڭ وزىندىك قۇنىن تومەندەتۋگە مۇمكىندىك تۋدىرادى. جاڭا وزىق تەحنولوگيا قۇرىلىس سالاسىنىڭ ودان ءارى دامۋىنا جانە جالپى العاندا, قازاقستاندى يندۋستريالاندىرۋعا سەرپىن بەرەدى. بۇكىل الەمدە مۇنداي زاۋىتتار ساناۋلى عانا.
ەلورداداعى العاشقى زاۋىت كومپانيا ءۇشىن ارنايى ازىرلەنگەن جەكە جوبا بويىنشا سالىندى. ونى قۇرۋ ءۇشىن گەرمانيا, يتاليا, تۇركيا, رەسەي جانە قازاقستان ينجەنەرلەرى جۇمىس ىستەدى. سونىڭ ارقاسىندا ۇزدىك الەمدىك تاجىريبەلەردى قولدانا وتىرىپ, بىرەگەي كولەمدى بلوك-مودۋلدەر ءوندىرىسى قۇرىلدى. ءىرى بلوكتى ءۇي قۇرىلىسى كليماتتىق جاعدايلارعا تاۋەلدى ەمەس, ويتكەنى جۇمىستىڭ 80%-ى — ارماتۋرا بايلامىنان باستاپ, سانتەحنيكانى قوسا العاندا, تازا ارلەۋدەگى مودۋلدەردى قالىپتاستىرۋعا دەيىن كاسىپورىندا جۇزەگە اسىرىلادى, بۇل بارلىق پروتسەستەردى ەداۋىر جىلدامداتادى. ماسەلەن, اۋدانى 9 مىڭ شارشى مەتر بولاتىن 16 قاباتتى «7يا» تۇرعىن ءۇيىن سالۋ ءۇشىن بار بولعانى 6 اي ۋاقىت قاجەت بولدى. الداعى ۋاقىتتا مودۋلدىك تۇرعىن ءۇي قۇرىلىسىنىڭ مەرزىمىن 3 ايعا دەيىن قىسقارتۋ جوسپارلانىپ وتىر.
مودۋلدەردى وندىرۋگە قاجەتتى نەگىزگى ماتەريال — كەرامزيتبەتون. كاسىپورىننىڭ تەمىربەتون ءونىمى «قازقسعزي» اق-نىڭ جوعارى بەرىكتىگىنە, سەيسموتۇراقتىلىعىنا, ۇزاق مەرزىمگە جارامدىلىعىنا جانە شۋدى وقشاۋلاۋىنا جاسالعان سىناعىنان ءساتتى ءوتتى.
كوپساتىلى وپەراتسيالىق باقىلاۋدىڭ جانە اۆتوماتتاندىرۋدىڭ جوعارى دەڭگەيىنىڭ ارقاسىندا جوعارى ساپالى ونىمگە قول جەتكىزىلەدى. ModeX زاۋىتىنىڭ جوبالىق قۋاتى جىلىنا 200 مىڭ شارشى مەتر تۇرعىن ءۇيدى قۇرايدى. 2023 جىلعا دەيىن جالپى جوبالىق قۋاتى 500 مىڭ شارشى مەتر تۇرعىن ءۇيدىڭ قوسىمشا ەكى كەزەگىن سالۋ جوسپارلانۋدا. 2-ءشى جانە 3-ءشى كەزەكتى ىسكە قوسۋدىڭ ارقاسىندا كاسىپورىنداعى تۇراقتى جۇمىس ورىندارىنىڭ سانى 700-دەن 1200 ادامعا دەيىن ارتادى.
مودۋلدىك ءۇي قۇرىلىسى تەحنولوگياسى بويىنشا سالىنعان تۇرعىن ءۇيدى كومپانيا دايىن جوندەۋ جۇمىستارىمەن جانە وتاندىق ءوندىرىستىڭ – شىمكەنت پەن پاۆلودار جيھاز زاۋىتتارىنىڭ كىرىكتىرىلگەن جوعارى ساپالى جيھازىمەن قوسا, تولىق وتكىزەدى. بۇل رەتتە پاتەرلەر ساۋساق ءىزى بويىنشا ەسىكتى اشۋ فۋنكتسياسى بار ەلەكتروندىق ق ۇلىپتار, كىرىكتىرىلگەن قاۋىپسىزدىك جۇيەسى, IP-دوموفونيا جانە باسقا دا يننوۆاتسيالار ءتارىزدى smart-وپتسيالارمەن جاساقتالعان. 2021 جىلدىڭ سوڭىنا دەيىن نۇر-سۇلتان قالاسىندا مودۋلدىك كونسترۋكتسيالاردان سالىنعان 100 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانىپ وتىر.
«قازاقستان بويىنشا ءۇي قۇرىلىسى كومبيناتتارىن اشىپ, ءىرى بلوكتى ءۇي قۇرىلىسى تەحنولوگياسى بويىنشا تۇرعىن ءۇي قۇرىلىسىن اۋقىمدى ەتۋ قاجەت. بۇل ەلىمىزدىڭ تۇرعىن ءۇي جانە الەۋمەتتىك ينفراقۇرىلىمىن سالۋ كولەمىن كەڭەيتۋ, حالىقتى قولجەتىمدى تۇرعىن ۇيمەن قامتاماسىز ەتۋ جونىندەگى مىندەتتەردى شەشۋگە ىقپال ەتەتىن بولادى», دەدى ا. مامين.
2021 جىلدىڭ 4 ايىندا نۇر-سۇلتان قالاسىندا 709,3 مىڭ شارشى مەتر تۇرعىن ءۇي پايدالانۋعا بەرىلدى. بيىلعى جىلدىڭ سوڭىنا دەيىن قوسىمشا 30 مىڭعا جۋىق پاتەر, ونىڭ ىشىندە 2,3 مىڭ الەۋمەتتىك تۇرعىن ءۇي پاتەرى پايدالانۋعا بەرىلەدى. قازاقستاندا 2021 جىلدىڭ قورىتىندىسى بويىنشا جالپى اۋدانى 17 ملن شارشى مەتر 163,1 مىڭ تۇرعىن ءۇيدى پايدالانۋعا بەرۋ جوسپارلانۋدا, قر-دا جالعا بەرىلەتىن جانە كرەديتتىك پاتەرلەرمەن حالىقتىڭ الەۋمەتتىك وسال توپتارى, جاستار, بيۋدجەتتىك ۇيىمدار قىزمەتكەرلەرى قاتارىنان 22,5 مىڭنان استام وتباسى قامتاماسىز ەتىلەدى.
ينسپەكتسيالىق ساپارعا نۇر-سۇلتان قالاسىنىڭ اكىمى التاي كولگىنوۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە ت. ب. قاتىستى.
