وبلىستىق پوليتسيا دەپارتامەنتى تەرگەۋ باسقارماسىنىڭ باسشىسى نۇرمۇحامبەت مۋتاليەۆتىڭ اقپاراتىنا قاراعاندا, ونىڭ ىشىندە ينتەرنەت-الاياقتىققا بايلانىستى 407 دەرەك انىقتالىپتى.
«اتىراۋدا ينتەرنەت-الاياقتىق الەۋمەتتىك جەلىلەر مەن حابارلاندىرۋ سايتتارى ارقىلى كوپ جاسالادى. سوعان بايلانىستى وبلىستىق پوليتسيا دەپارتامەنتى جىل باسىنان بەرى «Anti Fraud» جەدەل-پروفيلاكتيكالىق ءىس-شاراسىن ۇيىمداستىردى. سونىڭ ناتيجەسىندە وتكەن جىلداردا جاسالعان 21 قۇقىق بۇزۋشىلىق انىقتالىپ, قازىر تەرگەپ-تەكسەرۋ امالدارى جۇرگىزىلۋدە», دەدى تەرگەۋ باسقارماسىنىڭ باستىعى نۇرمۇحامبەت مۋتاليەۆ.
ال, كريمينالدى پوليتسيا باسقارماسى باسشىسىنىڭ ورىنباسارى امان ىزماعامبەتوۆتىڭ مالىمەتىنشە, ىشكى ىستەر مينيسترلىگىنىڭ تاپسىرماسىنا سايكەس 2021-2022 جىلدارعا ارنالعان اقپاراتتىق تەحنولوگيالارمەن جاسالاتىن الاياقتىقتى انىقتاۋ, تەرگەۋگە بايلانىستى ارنايى باعدارلاما دايىندالىپتى.
«تەرگەۋ كەزىندە الاياقتىق قىلمىسىن وزگە ءوڭىردىڭ تۇرعىندارى ءجيى جاسايتىنى انىقتالىپ وتىر. سونىڭ ىشىندە وسكەمەندىك تۇرعىننىڭ 13 ەپيزودقا قاتىسى دالەلدەندى. ال, پاۆلودار قالاسى تۇرعىنىنىڭ 8 دەرەككە قاتىسى بار بولىپ شىقتى. قازىر بۇل ىستەرگە قاتىستى پروتسەسسۋالدىق شەشىمدەر قابىلداندى», دەدى امان ىزماعامبەتوۆ.
