وقيعا • 18 مامىر، 2021

الماتىنىڭ ورتالىعىندا جول وپىرىلىپ ءتۇستى

17 رەت كورسەتىلدى

الماتىنىڭ تولە بي كوشەسىندە اسفالت وپىرىلىپ، جولدا ۇلكەن شۇڭقىر پايدا بولدى، دەپ حابارلايدى Egemen.kz.

وقىس وقيعانىڭ ۆيدەوسى الەۋمەتتىك جەلىدە تارادى.

قالالىق اكىمدىك بۇل وقيعاعا قاتىستى تۇسىنىكتەمە بەردى.

«تولە بي - وتەگەن باتىر كوشەلەرىنىڭ قيىلىسىندا اسفالت وپىرىلىپ، ۇلكەن شۇڭقىر پايدا بولدى. قازىر «الماتى سۋ» كومپانياسى قالپىنا كەلتىرۋ جۇمىستارىن جۇرگىزىپ جاتىر. سودان كەيىن اسفالت توسەلەدى»، دەپ حابارلادى الماتى قالاسىنىڭ ەنەرگوتيىمدىلىك جانە ينفراقۇرىلىمدىق دامۋ باسقارماسىنان. ءوز كەزەگىندە «الماتى سۋ» كاسىپورنى اسفالت كەشكە دەيىن قالپىنا كەلتىرىلەتىنىن اتاپ ءوتتى. «بۇگىن كەشكى ساعات 22-گە قاراي تولە بي مەن وتەگەن باتىر كوشەلەرىنىڭ قيىلىسىنداعى جول قالپىنا كەلتىرىلەدى. الدىن الا زەرتتەۋ دەرەكتەرى بويىنشا ديامەترى 2 مەترگە جۋىق شۇڭقىر كوشە قيىلىسىنىڭ استىنان وتەتىن قالالىق كوللەكتورلىق سەكتسيا D -1000 مم ەدەن پليتاسىنىڭ بۇزىلۋىنا بايلانىستى پايدا بولدى»، دەپ تولىقتىردى «الماتى سۋ» مم.

 

سوڭعى جاڭالىقتار

ۇقساس جاڭالىقتار